ဒီတစ်ခါစာရေးသူ သွားရောက်ခဲ့တာကတော့ကျောက်ဆည်ဘက်က တောရွာလေးပါပဲ၊ အဲဒီမှာလဲ ဓမ္မဒူတ ခရီးရှိနေတာ ကြောင့် အစောတလျင် တစ်ညအိပ်ခရီး လှည့်လည်ခဲ့သေးတယ်၊ မန္တလေးဘက်ကနေ ရန်ကုန်အသွားလမ်းမကြီး အရှေ့ဘက်ရှိ ဟံမြင့်မိုရ်ရွာလေးကနေ အရှေ့တည့်တည့်ဆီကို သွားရင် မိနစ်အနည်းငယ်အတွင်း ရောက်နိုင်တဲ့ ရွာလေးပါ၊
ဟံမြင့်မိုရ်ရွာ ဆိုတာ တချိန်က သိပ်မစည်ကားပေမယ့် အခုတော့ ကျောက်ဆည်ကောင်းမှုနဲ့ တော်တော် စည်စည် ကားကားဖြစ်နေပြီ၊ ဟံမြင့်မိုရ်မှာနာမည်ကြီးတာက သရက်ပင်ပေါက် မျိုးစုံကို ဈေးချိုချိုနဲ့ ၀ယ်ယူနိုင်တာပါပဲ၊ မချစ်စု၊ စိန်တစ်လုံး၊ သုံးလုံးတစ်တောင်၊ စသည်ဖြင့် အပင်ပေါက်တွေ လိုချင်သလောက် ၀ယ်ယူနိုင်တယ်၊ တစ်ပင်မှ ၂၀၀ ၊ ၃၀၀၊ ၅၀၀ ဆိုတာ အလွန်ဆုံးပေါ့၊ သရက်ခြံ စိုက်ပျိုးလိုသူများက အဲဒီကို တကူးတက သွားဝယ်ကြရတယ်။
စာရေးသူ ရောက်ခဲ့တဲ့ ရွာတော်ရွာမှာတော့ သရက်ခြံ စိုက်ပျိုးကြတယ်၊ သရက်သီးအကင်း တင်ချိန်ကြရင် မြို့ပေါ်မှ ပွဲစားများက ခြံပိုင်ရှင်များကို ခြံလိုက် ပုတ်ပြတ်ပေးပြီး တခြံလုံး အပင်ရေ ဘယ်လောက်အတွက် သိန်း၄၀၊ သိန်း ၅၀ ၊ စသည်စသည်ဖြင့် ၀ယ်ရောင်းလုပ်ကြတယ်၊ ခြံရှင်က ကြိုက်ရင်ရောင်းပေါ့၊ ဒါက ငွေအောင်းထားနိုင်သူတွေအတွက်ပါ၊ တော်တော် အားကျစရာ ကောင်းပါဘိ၊
နောက်ထပ် စိုက်ပျိုးလို့ ရတာက ငှက်ပျောခြံတွေပါ၊ နေရာတိုင်းမှာ ယာခင်းတိုင်းမှာ ငှက်ပျောခြံတွေ အများကြီးပဲ၊ မျက်စိတစ်ဆုံး ကြည့်လို့မ၀၊ ရှုလို့ မ၀တာ ငှက်ပျောခြံ သရက်ခြံတွေပဲ၊ အားရစရာ သိပ်ကောင်းတယ်၊ ဒီရွာလေးဟာ အိမ်ခြေ တစ်ရာကျော်လောက်သာ ရှိပေမယ့် စိုက်ပျိုးခြင်တာ မှန်သမျှ အားလုံး ရနိုင်တယ်၊ ရေခံ မြေခံ ကောင်းတယ် လို့ ဆိုရမယ်။
ငှက်ပျော၊ သရက်ခြံတွေသာ မကပဲ ( ၆) လတစ်ကြိမ် ငွေပေါ်တဲ့ ခရမ်းချဉ်သီးစိုက်ခင်းများ၊ ငရုတ်သီးစိုက်ခင်းများ၊ စနွင်းတက် စိုက်ခင်းများနဲ့ နောက်ဆုံး စပါးစိုက်ခင်း၊ ပျိုးခင်းတွေ အားလုံးပေါင်းလိုက်ရင် အိုး ……….. စုံလင်နေတာပါပဲ၊ ဘာပဲ စိုက်စိုက် ရေခံလဲ ကောင်းတယ်၊ မြေတွေကလဲ ကောင်းတော့ စာရေးသူမှာ တောရွာလေးပေမယ့် သဘောကျနေလိုက်တာ၊ တဆက်တည်းမှာပဲ ကျန်တဲ့ ဒေသတွေ သိပ်မဖြစ်ထွန်းကြပေမယ့် အဲဒီ ဒေသလေးမှာတော့ေ တ်ာတော် ဟန်ကျနေကြတာကို ကြည့်ကာ တွေးရင်း တွေးရင်း ပီတိဖြစ်မိတယ်၊ မှတ်မိတာလေးတစ်ခုက ကျောက်ဆည် နယ် မှတ်ပုံတင် ကိုင်ထားရင်သွားလေရာမှာ မရစ်ခံရပဲ ချောချောမောမော ဆိုပဲ၊ ရွာတော်ရွာက လူတွေ ကံကောင်း ကြပါပေတယ်။
ခရီးကြုံရင်း အဲဒီဘက်မှာ နာမည်ရနေတဲ့ မိုးကုတ်ဝိပဿနာ ကမ္မဋ္ဌာန်းနည်းဖြင့် ညွှန်ပြေ နသော ကျောက်ဂူတောရ ကျောင်းကိုလဲ လေ့လာဖြစ်သေးတယ်၊ အဲဒီကျောက်ဂူတောရ ရိပ်သာအနား မှာတော့ တောင်ချွန်းများပတ်လည် ၀ိုင်းနေ ပြီး တာင် ဘက်နား ဆီမှာ အိမ်ခြေထောင်ကျော် ရှိတဲ့ သံရွာကြီး ဆိုတာတည်ရှိတယ်။ တော်တော် ဘာသာရေး သာသနာရေး ကိုင်းရှိုင်းကြတဲ့ တောသူ တောသားတွေပါပဲ။
အော် အပြန်လမ်းခရီးမှာတော့ ကချင်ပြည်နယ်၊ ကရင်ပြည်နယ် အစွန်အဖျားက ရွာလေးတွေကို မျက်စိထဲ ပြေးမြင်လိုက်၊ ဒီဘက်က လူတွေကို ပြေးမြင်လိုက်နဲ့ လူချင်းတူပါလျက်ကယ်နဲ့ အဘယ့်ကြောင့်များ အကျိုးပေး မတူညီကြရတာပါလိမ့် ဆိုတဲ့ သုဘလုလင်အမေးကို မြတ်ဘုရားဖြေဆိုထားတာ သွားသတိရမိသေးတယ်၊ မြတ်ဘုရားကတော့ ကံချင်းမတူညီကြလို့ လို့ဖြေပေးတော်မူတယ်၊ တဆက်တည်းမှာ အတိတ်ကံချည်းပဲလား လို့ဆိုတော့ မဟုတ်ပြန်ဘူး၊ လက်ရှိပစ္စုပ္ပန်မှာ နိုင်ငံရေး၊ စီးပွားရေး၊စတာတွေနဲ့လည်း သက်ဆိုင်လိမ့်မယ်လို့ စဉ်းစားမိတယ်၊ ဒါက ဘာသာရေး ရှုထောင့်က ကြည့်မိတာပါ၊ နိုင်ငံရေး ရှုထောင့် စီးပွားရေးရှုထောင့်တွေကနေတော့ … အင်း…………..
ကျောက်ဆည်မြို့ပေါ်ကလူတွေက လမ်းကောင်းကောင်းနဲ့ ၂၄ နာရီ မီးထိန်ထိန်( လဘက်ရည်ဆိုင် စားသောက်ဆိုင် တွေများ မီးတွေ ထွန်းထားလိုက်တာ၊ နိုင်ငံခြားကဆိုင်တွေနဲ့ အပြိုင်အဆိုင်လို့ ထင်ရတယ်၊ မနာလိုချင်စရာ ကောင်းပေ မယ့် မုဒိတာပွားမိပါတယ်၊ ကျောက်ဆည်နယ်က လူတွေ အားလုံး ကံကောင်းကြပါပေတယ် ……… ……..
စိတ်ထဲမှာတော့ လင်္ကာလေးတစ်ကြောင်းက အလိုလို ပေါ်လာပြီး အကြိမ်ကြိမ် ရွတ်မိလျက်သားဖြစ်နေတယ် ….
ကိုယ့်ထက်သာလျင်၊ မုဒိတာဝင်၊ မ၀င် ဣဿာ၊ ယိုင်တတ်တယ်၊
ယိုင်မည့်အစား၊ မုဒိတာပွား၊ စိတ်ထားပြုပြင် ပြောင်းပါ့မယ်။
လူတိုင်းလူတိုင်း တူညီသော ချမ်းသာများ ကိုယ်စီ ကိုယ်စီ ခံစားနိုင်ကြပါစေ လို့ ဆုတောင်းရင်း………….
မေတ္တာဖြင့်
အရှင်သုနန္ဒာလင်္ကာရ M.A ( ပန်းကမ္ဘာ )
Date.6.Jul.2011
စိမ်းစိမ်းစိုစို စပါးစိုက်ခင်းများကို မမြင်ရတာ ကြာနေလို့ အားရပါးရ ရိုက်ခဲ့မိတယ်
ငှက်ပျောခြံများမှာ သီးမွှေး၊ ဖီးကြမ်း ကြိုက်တာ ရနိုင်တယ်၊ တစ်ခိုင်လောက်ကတော့ ခြံတိုင်းက ပေးဖို့ ၀န်မလေးကြတာ အံ့သြစရာ၊ ဟိုဘက်က အပင်မြင့်ကြီးတွေက စိန်တစ်လုံး သရက်ခြံ ပါတဲ့၊
တောင်တွေ ပတ်လည် ၀ိုင်းနေတဲ့ မိုးကုတ်ဝိပဿနာ ကျောက်ဂူတောရ ရိပ်သာ ( ဘာအသံဗလံ မှ မကြားရတာ အေးချမ်းလိုက်ပါဘိ၊ နေပူဒဏ်က လွဲရင်ပေါ့လေ )
ရာသီဥတု ဘယ်လောက်ပူပူ၊ နေ့လည်နေ့ခင်းမှာ အပူဒဏ်ကို အံတုကာ ကြိုးစားအားထုတ်နေကြသော ယောဂီများကား ကြည်ညိုစရာပါပေ
ဓမ္မကို ယုံကြည်အားထားကာ ဓမ္မလမ်းကြောင်းအတိုင်းသာ ကျင့်ကြံလိုက်နာပါက မဖြစ်နိုင်ဖူး ဆိုတာ မရှိစေရဘူး တဲ့၊ တောကြီး တောင်ကြီးထဲမှာ အလျား ပေ( ၁၀၀ ) နဲ့ အနံ ပေ ( ၇၀ ) ကျယ်ဝန်းသော ယောဂီများအတွက် ဓမ္မာရုံကြီး ဆောက်လုပ်နေတာ အံ့သြစရာပါပဲ၊ ဓမ္မော ဟဝေ ရက္ခတိ ဓမ္မစာရီ - တရားရှိသူကို တရားက ပြန်လည် စောင့်ရှောက်တယ် လို့ ဆိုထားတယ် မဟုတ်လား ...........
ဓမ္မကို ယုံကြည်အားထားကာ ဓမ္မလမ်းကြောင်းအတိုင်းသာ ကျင့်ကြံလိုက်နာပါက မဖြစ်နိုင်ဖူး ဆိုတာ မရှိစေရဘူး တဲ့၊ တောကြီး တောင်ကြီးထဲမှာ အလျား ပေ( ၁၀၀ ) နဲ့ အနံ ပေ ( ၇၀ ) ကျယ်ဝန်းသော ယောဂီများအတွက် ဓမ္မာရုံကြီး ဆောက်လုပ်နေတာ အံ့သြစရာပါပဲ၊ ဓမ္မော ဟဝေ ရက္ခတိ ဓမ္မစာရီ - တရားရှိသူကို တရားက ပြန်လည် စောင့်ရှောက်တယ် လို့ ဆိုထားတယ် မဟုတ်လား ...........
တောင်ကုန်းထိပ်မှာ ရှိနေတဲ့ ရိပ်သာထဲက သိမ် အဆောက်အဦး
သိမ်ကုန်းပေါ်ကနေ ကြည့်ရင် ရိပ်သာဝင်းကို ဒီလို မြင်နိုင်တယ်
သိမ်ရှိရာ တောင်ကုန်းပေါ်ကနေ အောက်ကို ကြည့်လိုက်တာ လွမ်းမောစရာ ဆိပ်အုပ်တစု၊ တွံတေးသိန်းတန် သီချင်းထဲက သာအေး တို့ စာဥ တို့များဖြစ်နေမလား လို့ သေချာကြည့်မိတာ တောင်ကုန်းက မြင့်လွန်းနေတော့ မှုန်ဝါးဝါးသာ မြင်ရတယ်၊
အားလုံး ကြားဖူးကြမှာပါ၊ ဗဒိုင်းသီး စားရင် ရူးတတ်သတဲ့။ သူ့ရဲ့ အပွင့် အရွက်တွေကို သုတ်စားရင်လဲ ရူးတတ်တယ် လို့ ဆိုပါတယ်၊ ဘာရယ်မဟုတ် လမ်းကြုံလို့ မမြင်ဖူးကြတဲ့ မြို့ကြီးသူ/ သားများအတွက် ဗဟုဿုတဖြစ်အောင် ရိုက်ခဲ့ပါတယ် ..
ဒါက သူ့ရဲ့အသီးပါ၊ ဂျပန်တို့ ကိုးရီးယားတို့က ထွက်ပေါက်မရှိအောင် စိတ်ညစ်နေတဲ့သူများ ကိုယ့်ကိုယ်ကို သတ်သေမည့်အစား ဒါတွေများ ရှိရင် စားကြမလား မသိ၊ အော် ဗုဒ္ဓတရားတော်တွေကို နားကြားခွင့်မရှိကြတော့ ခက်ခဲလှတဲ့ လူ့ဘ၀အသက်ကို တန်ဖိုးရှိရှိ အသုံးမချတတ်ကြတာ သနားစရာပါပေ၊ ဒါကြောင့် ဗုဒ္ဓဘာသာ ဖြစ်ကြရတာ ကံကောင်းကြတယ် လို့ ဆိုရမယ်
ခရမ်းချဉ်သီးတပိဿာ ( ကျပ် ၁၀၀ ) ဆိုလို့ ခြံရှင်တွေက မခူးပဲ ပစ်ထားကြသတဲ့၊ နိုင်ငံခြားကိုများ သယ်လာရရင် ဘယ်လောက် ကောင်းလိမ့်မလဲ ..
ဒီ ငရုတ်ခင်းထဲမှာတော့ မဖြစ်မနေ ဓာတ်ပုံ ရိုက်လိုက်မိတယ်၊ နိုင်ငံခြားမှာ ဒါမျိုး ရှုခင်းက တွေ့ရဖို့ မလွယ်ဘူးလေ၊
No comments:
Post a Comment