ရတနာဂီရိနှင့် သီပေါမင်းစံအိမ်ရောက် ခရီးသွားမှတ်တမ်း အဆုံး

သီပေါစံအိမ်တော်အတွင်းမှ ယခုလက်ရှိ ပြသထားသော ရှေးဟောင်းပန်းပု လက်ရာများပြခန်း

 

 သီပေါမင်း စံအိမ်တော်ရှေ့မှာ မှတ်မှတ်ရရ တပုံလောက်တော့ ရိုက်ဖြစ်လိုက်သေးတယ်

 ဟောင်းနွမ်းဆွေးမြေ့ပြီး မိုးမလုံ ဖြစ်နေသော သီပေါစံအိမ်တော်ကို တတ်နိုင်သမျှ ထိမ်းသိမ်းစောင့်ရှောက်သင့်နေပါပြီ ( အဲဒီနေ့က မိုးရွာနေတော့ အောက်ထပ်တခုလုံး မိုးတွေ ယိုနေပြီး ရွှဲရွှဲစိုနေခဲ့တယ် ) 

စတုတ္ထသမီးတော် ထိပ်စုမြတ်ဖုရားကလေး

စုဖုရားလတ်ခြေရာကို တသွေမတိမ်းနင်းနိုင်သော ထက်ထက်မြတ်မြတ် ရှားရှားပါးပါးသမီးတော်ပင်။

၁၈၈၇ ခုနှစ် ဧပြီလ ၂၅ ရက်နေ့တွင် ရတနာဂီရိ သီပေါစံအိမ်တော်၌ မွေးဖွားခဲ့သော ရတနာဂီရိသူ စစ်စစ် ဖြစ်သည်။

ရတနာဂီရိမှ မပြန်ခင် အင်္ဂလိပ်တို့ထံ ရနိုင်သောအခွင့်အရေးမှန်သမျှကို မိခင်ကြီးနှင့် တိုင်ပင်ကာ တက်တက်ကြွကြွ နှင့် တိုက်ယူလို့ ရတာ တိုက်ယူရင်း ရသလောက်တောင်းဆိုနိုင်သော သမီးပင်၊ အင်္ဂလိပ်စာတတ်မြောက်သောကြောင့် လည်း မိခင်ရော ဖခင်ဘုရင် ကြီး ကပါ အရာရာကို အားကိုးယုံကြည်နေရသည်။

၁၉၂၁ ခုနှစ်တွင် ရန်ကုန်သို့ပြန်ရောက်သောအခါ မိခင်ကြီး စုဖုရားလတ်၏ သဘောတူခွင့်ပြုချက်ဖြင့် ကိုကိုနိုင် ဆိုသူနှင့် လက်ထပ်ခဲ့သည်။

သား( ၄ )ယောက်၊ သမီး ( ၂ ) ယောက်ထွန်းကားခဲ့သည်။

၁။ တော်ဘုရားကြီးက ၁၉၄၈ ခုနှစ်တွင် ရောင်စုံသောင်းကျန်းသူတို့၏ လက်ချက်ဖြင့် ကွယ်လွန်ခဲ့ သည်။

၂။ တော်ဘုရားက မောင်နှမ၀မ်းကွဲ ထိပ်စုကြီးနှင့် လက်ထပ်ခဲ့သည်။

၃။ တော်ဘုရားငယ်မှာ ရန်ကုန်တက္ကသိုလ်မှ ဘွဲ့ရပညာတတ် ဟုသိရ၏။

၎။ တော်ဘုရားကလေးမှာ အများပြည်သူများ သိကြပြီးသော ဦးအောင်ဇေ ဖြစ်သည်။

၁။ ထိပ်စုဖုရားကြီး မှာ အနုပညာကို ၀ါသနာပါသောကြောင့် ပန်းချီ အနုပညာရှင်အဖြစ် လူသိများခဲ့သည်။

၂။ ထိပ်စုဖုရားထွေးမှာ ရေကူးချန်ပီယံ၊ မယ်ဗမာ ချန်ယီယံဖြစ်ပြီး ကိုယ်လက်ကြံ့ခိုင်ရေးအသင်းမှာ စည်းရုံးရေးမှုးပင် ဖြစ်ခဲ့သည် ဟု သိရသည်။

သီပေါမင်းနှင့် စုဖုရားလတ်တို့၏ သွေးအပြည့်ပါသော စတုတ္ထသမီးတော် ထိပ်စုမြတ်ဖုရားကလေး သည် အမိမြန် မာပြည် ပြန်ရောက်သော်လည်း သူ့ကျွန်ဘ၀ကို ရောက်ခဲ့ရသော နာကျည်းချက်၊ ရတနာဂီရိဟူသော ဘာသာမတူ ၊ လူမျိုးမတူ၊ ကိုးကွယ်ရာမတူသော တနယ်တကျေး ရပ်ဝေးတွင် မျက်နှာငယ်စွာ နေခဲ့ရသော ခံပြင်းစိတ်၊ နာကျည်းစိတ်တို့ဖြင့် “ စတုတ္ထ သမီးတော်၏ အရေးတော်ပုံစာတမ်း ” ဟူသောခေါင်းစဉ်ဖြင့် ထိုခေတ်အခါက United Nation ( ယခုအခေါ် ) ကုလ သမဂ္ဂ အဖွဲ့အစည်းအထိ တက်ရောက်ကာ စာတမ်းတင်သွင်းခဲ့သောကြောင့် ဗြိတိသျှ အစိုးရက မော်လမြိုင်သို့ အကျယ်ချုပ်ဖြင့် နယ်နှင်ဒဏ် ခတ်ခံခဲ့ရသည်။

ဤသို့သော အကြောင်းကြောင်းတို့ကြောင့်ပင် ၁၉၃၆ ခုနှစ် မတ်လ ၃ ရက် ( အသက် ၄၉ ) အရွယ်တွင် မော်လမြိုင်မြို့၌ ရှိနေစဉ် သီပေါမင်းမျိုးဆက်နောက်ဆုံးအဖြစ် တဘ၀သိမ်းခဲ့သည်။

ယခုအခါ 2011 ခုနှစ်အထိ နောက်ဆုံးသတင်းများအရ ရတနာဂီရိရှိ Thi Baw’s Palace ခေါ် သီပေါမင်းစံ အိမ်တော် ကို မြန်မာအစိုးရမှ ကောင်းမွန်စွာထိန်းသိမ်းစောင့်ရှောက်ပေးရန်  ၁၉၉၄ ခုနှစ်က တောင်းဆိုခဲ့သောကြောင့် ပြည်နယ်အစိုးရ သည် အိန္ဒိယရှေးဟောင်း သုတေ သနဋ္ဌာနသို့ လွှဲပြောင်း ပေးကာ ပြတိုက်အသွင်ပြောင်းလဲတော့မည်ဟု သိရှိရသည်၊

အိန္ဒိယအစိုးရသည် သီပေါမင်းစံအိမ် တော်အဖြစ် သီးသန့်ထားလျင် နိုင်ငံခြားသား ဧည့်သည်များ လာရောက်တာ နည်းမည်ဖြစ် သောကြောင့် ရှေးဟောင်း ပန်းပုလက်ရာများ၊ ဥရောပရှေးဟောင်း စစ်သင်္ဘော ပစ္စည်းများ၊ ဒေသခံ Konkan ကွန်ကန် လက်ရာများ၊ ရှားပါး တိရိစ္ဆာန်တို့၏ အရေခွံများကိုလည်း ပြသသွားမည်ဟု သိရပါသည်။

မည်သို့ပင်ဖြစ်စေ စွန်းထင်းခဲ့သော သမိုင်းအမည်းစက်များကား ဘယ်သို့မျှ ဖျောက်ဖျက်ပြစ်လို့ မရနိုင်ပါပေ၊ ထို့အတွက် တရားခံကို ပြပါဆိုလျင် မည်သူ့ကို လက်ညှိုးထိုးရမည်နည်း - ဘုရားမြတ်စွာ ဟောကြားထားသော ကမ္မံ သတ္တေ ၀ိဘဇ္ဇတိ -ဟူသောဒေသနာတော်အရ ဘယ်သူမပြု မိမိမှု ဟု ဆိုသည့်အတိုင်း ကိုယ်လုပ်ထားခဲ့တဲ့ ကံတရားတွေအတိုင်း သတ္တ၀ါ တွေ ခံနေ ကြရမည် ဟု သဘောပိုက်ကာ  ကံကိုပဲ ပုံချရ မည်လား ?

ကိုယ်ဖြစ်ရင် ကိုယ်ခံ၊ ကိုယ်လုပ်ရင် ကိုယ်ခံ ဆိုတဲ့ လောကကြီးထဲမှာ ကိုယ်တစ်ယောက်ထဲ မဟုတ်ပဲ လူ့သက် ပေါင်းများစွာ၊ အရင်းအမြစ်ပေါင်းများစွာ၊ အစွန်းအထင်းပေါင်းများစွာကို စတေးခဲ့ကြရတာဟာ ဘယ်သူ့ လက်ချက် ကြောင့် လဲ ?  
  ဘာကိုမှ မသိနားမလည်သော ဘုရင် သီပေါမင်းကို အပြစ်ပုံချရမည်လား ? 

နှစ်ပေါင်းများစွာ သူ့ကျွန်ဘ၀ ရောက်ခဲ့ရတာဟာ မတိုက်ပါနဲ့ လို့ တားမြစ်ခဲ့တဲ့ ကင်းဝန်မင်းကြီး ဦးကောင်း ဒါမှမဟုတ်  ဆင်ဖြူမ ရှင်မိဖုရားတို့သာ တရားခံလေလား ?

နေရာတိုင်းမှာ အနိုင်ကျင့်ချင်နေတဲ့ အင်္ဂလိပ်အစိုးရကိုပဲ အပြစ်ပုံချရမည် လား ?

စာရေးသူမှာတော့ လားပေါင်းများစွာနှင့် တွေဝေနေမိပါတော့သည်။    ။

မေတ္တာဖြင့် …

အရှင်သုနန္ဒာလင်္ကာရ M.A ( ပန်းကမ္ဘာ )

Date. 22. July 2011

စာကြွင်း။     ။ သမိုင်း ရာဇ၀င်တို့ ထုံးစံအတိုင်း နေ့စွဲများ ခုနှစ်များ အချို့အချို့သော မှတ်တမ်းများနှင့် လွဲကောင်းလွဲပါလိမ့် မည်။ သို့သော်လည်း စာရေးသူသည် ကိုယ်သိ ကိုယ်တတ်သဘောဖြင့် ရေးခြင်းမဟုတ်ပါ၊ ရှေးရှေးသော သမိုင်းဆရာ များ၏ စာအုပ်များကို မှီဲငြမ်းပြီး ယခုသီပေါစံအိမ်တော်မှ အင်္ဂလိပ်တို့ မှတ်တမ်းတင်ထားသည်များနှင့် ညှိနှိုင်း တိုက်ဆိုင် ကာ   ရေး သားပါသည်။ တကယ်တော့ ဤအရာသည် သမိုင်းစာအုပ်တအုပ်မဟုတ်ပဲ ကိုယ်ပိုင် ခရီးသွားမှတ်တမ်း သက် သက်သာ ဖြစ်ပါသည်။