လွဲနေတဲ့ ဒါနများ အပိုင်း ( ၅ )

ဒါန ( ၄ )

အရှင်ဘုရား နောင်ကျရင် ဘာစာမေးပွဲမှ ဖြေမနေပါနဲ့တော့ဘုရား၊ တပည့်တော်ကတော့ သာသနာ့ဘောင်မှာ သင်္ကန်းဝတ်နဲ့ မြဲနေရင် ကျေနပ်ပါပြီ၊ စာမေးပွဲတွေ ဒီလောက်အောင်နေရင် တော်ပြီပေါ့ဘုရား။

ရင်ထဲမှာ မနေနိုင်လို့ ပွင့်အံထွက်လာတဲ့ စကားတခွန်းပါ၊ သူကတော့ စစ်ကိုင်းတိုင်း ဘုတလင်မြို့နယ် တောရွာတရွာက သာမဏေကျော်၊ သာသနဓဇဓမ္မာစရိယ၊ ၀ိနယဓရ ရဟန်းတပါးရဲ့ ခမည်းတော်တစ်ယောက်။

သားဖြစ်သူအတွက် စာမေးပွဲအောင်လို့ ဂုဏ်ပြုပူဇော်ပွဲကို ၃ ကြိမ်တိုင်တိုင် လုပ်ပေးပြီးနောက်မှာ အခုလို စကားကို ပြောယူရတယ်၊ တောင်သူ ယာလုပ်ငန်းလုပ်ကိုင်နေတဲ့ မိဘတွေကလည်း သားဖြစ်သူ စာမေးပွဲတွေ အောင်တယ် ဆိုရင်ပဲ မရှိရင် ရှိတာကို ထုခွဲရောင်းချပြီး ပူဇော်ပွဲကို လုပ်မယ် ဆိုတဲ့ သဒ္ဓါတရားမျိုးတွေပါ၊ တချို့ကျတော့လည်း အိမ်စီးပွားရေး အခြေအနေအရ မလုပ်ချင်ပေမယ့် ပတ်ဝန်းကျင်က တိုက်တွန်းကြတယ်၊ ရှားရှားပါးပါး သားယောကျာ်းလေးရှိလို့ သာသနာ့ဘောင်မှာေ၇ာက်နေတာကို မိဘက ဒီလောက်မှ မချီးမြောက်နိုင်ဘူးလား၊ ငါတို့သာ သားရဟန်းရှိရင်တော့ အကြီးအကျယ်ကို လှူပစ်လိုက်မယ် ဘာ ညာ စသည်ဖြင့် ၀ိုင်းဝန်းမြှောက်ပေးတော့ ပွဲတွေ ဇာတ်တွေနဲ့ ကျကျနန ကျင်းပကြတာလဲ ကြားဖူးပါရဲ့၊

အခုလဲ သားကိုရင်က သာသနာလင်္ကာရ စာမေးပွဲအောင်လို့ အိမ်က အတွင်းပစ္စည်းလေးတွေ ထုခွဲပြီး တကြိမ် လုပ်ပေးလိုက်တယ်၊
မကြာလိုက်ဘူး၊ သားက ဓမ္မာစရိယဘွဲ့ ရလို့ စုဆောင်းထားသမျှ သစ်သီးသစ်နှံတွေ ရောင်းပြီး ပေးလိုက်ရပြန်တယ်၊
နောက်ဆုံးတကြိမ်ကတော့ ပိဋကတ်သုံးပုံစာမေးပွဲမှာ ၀ိနယဓရ ဘွဲ့ရလို့ ဆိုပြီး ယာခင်းတွေ ရောင်းချ ပေါင်နှံပြီး လုပ်ပေးလိုက်တယ်၊

၃ ကြိမ်တိတိ ပူဇော်ပွဲလုပ်ပြီးတဲ့ နောက်မှာတော့ အိမ်မှာလဲ တောင်တောင်ပျက် ( တက်တက် ပြောင် ) ဆိုသလို ပြောင်သလင်းကို ခါသွားတာပဲ ၊ စီးပွားရေးလဲ တော်တော်နဲ့ နာလန်မထူတော့ဘူး၊ အမှန်က ကိုယ့်ဝမ်းနာ ကိုယ်သာသိ ဆိုသလို ကိုယ့်အခြေအနေကြည့်ပြီး လုပ်သင့်တာပါ၊ အချို့များ ဆိုင်းဝိုင်းတွေ ဇာတ်ပွဲတွေ နဲ့ ခမ်းခမ်းနားနား ပေးပြီး ဘယ်ခုနှစ်တုံးက ဘယ်လို လှူလိုက်တာ၊ ဘယ်လောက်ကုန်အောင် ဇာတ်ကလဲ နာမည်ကြီးကို ငှါးတယ် ဘာညာပေါ့လေ၊ ဘိသိက် ဆိုလဲ နာမည်ကြီး ပေါ့၊ ဘိသိက် ဆိုလို့ ပြောရအုံးမယ်၊ စာရေးသူရဲ့ အသိမိတ်ဆွေ တစ်ပါး ပူဇော်ပွဲအတွက် ဘိသိက်ဆရာငှါးတာ ၁၂ သိန်းပေးရတယ် ဆိုပဲ၊ အဲဒါ သူက ဘယ်လောက်ကြာသလဲ ဆိုရင် တေးထပ်လေး ရတုပိုဒ်စုံလေးတွေကို ၂ နာရီ ပြည့်အောင် တောင် မဟဲလိုက်ရဘူး၊ ဆိုလိုတာကတော့ ရှင်းနေပါပြီ၊

ပူဇော်ပွဲ ဆိုတာ ထူးချွန်ထက်မြက်တဲ့ သာသနာ့ အာဇာနည်တပါးကို ရပ်ရွာက နယ်က ၀ိုင်းဝန်းဂုဏ်ပြုတဲ့ပွဲ ဖြစ်တာမို့ တရွာလုံး တနယ်လုံး အလှူငွေ ကောက်ခံပြီး ကြွေးမွေးစားရိတ်၊ ပူဇော်ပွဲ ကုန်ကျစားရိတ်၊ ပင့်သံဃာလှူဒါန်းစားရိတ် စတာတွေကို ခွဲတန်းချပြီး ဘယ်နေရာအတွက် ဘယ်လောက်၊ စသဖြင့် သုံးသင့်တယ်၊ အဲဒီလို ပွဲမျိုးတွေကိုလဲ နေရာတော်တော်များများမှာ တွေ့ဖူးပါတယ်၊

အခုတော့ မဟုတ်ပါဘူး၊ ကုန်ကျစားရိတ် အားလုံးနီးပါး ကို ကိုယ့် အိမ်က အကုန်အကျခံရတာ ဆိုတော့ တတ်နိုင်သူတွေအတွက်ကိစ္စမရှိပေမယ့် ချို့တဲ့သူတွေအတွက်တော့ အလှူကြီး ၃ ခါလောက် ပေးလိုက်ရသလို ကုန်တာ ဆိုတော့ ရှိတာတွေ ကုန်ကရောပဲ၊ ဒီလို အဖြစ်မျိုးတွေ နေ၇ာတိုင်း မှာ တွေ့နေရတတ်တာမို့ ကရုဏာသက်မိပါရဲ့၊ ပူဇော်ပွဲကို ဦးဆောင်သူတွေ အားလုံး သတိထားကြပါကုန်၊

နောက်တယောက်ကတော့ အရာတော်မြို့နယ် ရွာတရွာက ရဟန်းတပါး ခမည်းတော်ကြီးဟာ ပူဇော်ပွဲကို လုပ်ချင်လွန်းလို့ လုပ်ပေးလိုက်တယ်၊ တကြိမ်ဆို တကြိမ်ထဲပါဘဲ၊ ဘယ်လောက် ကြီးကြီးကျယ်ကျယ် လုပ်ပေးလိုက်တယ် မသိဘူး၊ အဲဒီ ပူဇော်ပွဲပြီးသွားတာ ၁၀ နှစ်ကျော်ပြီ၊ အခုထိ သူတို့အိမ်ရဲ့ စီးပွားရေး နာလန်မထူတော့ဘူး၊ ဒါကလဲ လွဲနေတဲ့ ဒါနအမျိုးအစား တခုပါ။

ဒါန ( ၅ )

နောက်တစ်မျိုးကတော့ ဘုရားပွဲလား သားသတ်ပွဲလား - လို့ မေးရလောက်အောင် ခေတ်စားနေတဲ့ ဘုရားပွဲ အမည်ခံ ပျော်ပွဲ ရွှင်ပွဲတွေပါ၊ သူ့ဘာသာ အေးအေးဆေးဆေး နေပြီး ပူဇော်ခံနေတဲ့ ဘုရားကို ဂေါပကတွေက ဘုရားပွဲလုပ်ပေးလိုက်တာ ဘုရားရှေ့က အလှူခံပုံးထဲက မလောက်လို့ ရွာဦးက ရွှေဘုံသာစေတီ အထံမှ အကြွေး ၅ သောင်း ရရန် ရှိသည် ဆိုတာမျိုးပေါ့။ တကယ်လဲ ယခုခေတ် အဲဒီပုံစံ ဖြစ်နေပါတယ်၊ အထူးသဖြင့် မြန်မာနိုင်ငံ အနှံ့က တောရွာ မြို့ပါ မကျန် ကျင်းပခဲ့ပြီး ကျင်းပနေဆဲ ဘုရားပွဲ မှန်သမျှအားလုံး ဟာ တပုံစံတည်းပါ၊

အော် ကုသိုလ် လိုချင်လို့ စုပေါင်းဘုရားပွဲ လုပ်ပါတယ်၊ ကလေးလူကြီးအားလုံး ဇာတ်ပွဲတွေနဲ့ သောက်လိုက် စားလိုက် ရမ်းကားလိုက်နဲ့ နှစ်တိုင်းနီးပါး ရန်ပွဲကြောင့် လူသေမှု့တွေက ပါလိုက်သေးတယ်၊ မြတ်စွာဘုရားရှင် လက်ထက်တော်အခါကတော့ မြတ်ဘုရားကို ကြိုဆိုတဲ့ ပွဲမှာ လူအုပ်ပိပြီး သေတဲ့ အမျိုးသမီးတယောက် နတ်ပြည်ရောက်သွားဖူးတယ်၊ အခုခေတ်တော့ ဘုရားပွဲတွေမှာ မူးပြီး ရမ်းကားလို့ ဓားထိုးခံရပြီး သေသူတွေ ဘယ်ဘုံဋ္ဌာန ရောက်မယ် ဆိုတာ ခန့်မှန်းကြည့်မိတယ်၊

တနှစ်တစ်ခါ ငရဲရှာ လူ့ရွာ ဘုရားပွဲ မဖြစ်စေကြနဲ့ - လို့ ကျေးဇူးတော်ရှင် ပရိယတ် ပဋိပတ် စွယ်စုံရ လယ်တီဆရာတော်ဘုရားကြီးက သတိပေး သံဝေဂစကားမိန့်ကြားခဲ့ဖူးတယ်၊ မှတ်မိသေးတယ်၊ စာရေးသူ ငယ်ငယ်က ဘုန်းကြီးကျောင်းသားဘ၀မှာ မနက်တိုင်း ဆွမ်းခံထွက်ရတယ်၊ တကယ်လဲ ဘုရားပွဲရောက်ရင် ရွာထဲမှာ မွေးထားတဲ့ ၀က်တွေ ကြက်တွေ နွားတွေ တော်တော်ကြီးကို နည်းပါးသွားတယ် ၊ အထူးသဖြင့် ၀က်တွေပေါ့လေ၊ သေခါနီး အော်မြည်တဲ့ အသံက သိပ် သနားစရာ ကောင်းတာကို ကိုယ်တွေ့မြင်ဖူးသူများ နားလည်ပါလိမ့်မယ်၊ ဘာဖြစ်လို့ သိရသလဲ ဆိုတော့ နေ့တိုင်း မြင်နေကျ ၀က်တွေ နွားတွေ ကို ဘုရားပွဲပြီးရင် မမြင်ရတော့ မေးကြည့်မိတယ်၊

ဗျို့ ကိုဘယ်သူ၊ ခင်ဗျားနွားလေး ဘယ်ေ၇ာက်သွားလဲ ဆိုရင် ရွာက ဘုရားပွဲထဲ ပါသွားပြီ တဲ့၊
နောက်တအိမ်မှာ မွေးထားတဲ့ ၀က်တွေ ဘယ်ရောက်သွားလဲ မေးရင် ရွာဘုရားပွဲမှာ ၀ဋ်ကျွတ်သွားပြီ တဲ့၊

အပါယ် လားကြောင်းအလှူဒါန ( ၁၀ ) မျိုး။ ။

လှူပင် လှူသော်လည်း အလှူဒါနမမည်ပဲ ကိုယ့်အတွက် သံသရာအတွက် ပါဖို့ နဲ့ နိဗ္ဗာန် ကူးတို့ဖောင် ဖြစ်ဖို့ နေနေသာသာ အပါယ်ငရဲသို့ပင် ကျစေတတ်သောကြောင့် အ ဒါန၀တ္ထု ခေါ် ( အလှူမမည်သော လှူခြင်း ၁၀ မျိုး) ကို သတိထားနိုင်စေဖို့ ဖော်ပြလိုက်ပါတယ်၊

(၁) သမဇ္ဇဒါန- အငြိမ့်မင်းသား မင်းသမီး ပြဇာတ်၊ ဆိုင်းဝိုင်း ဇာတ်ပွဲတို့ကို ပေးလှူခြင်း၊
(၂) မဇ္ဇဒါန- သေရည်အရက် ဘီယာကို လှူဒါန်းခြင်း၊
(၃) ဣတ္ထိဒါန- ပုဂံခေတ် အရည်းကြီးတို့အား လှူသလို မိန်းမကို ပေးလှူခြင်း၊
(၄) ဥသဘ ဒါန- ကျွဲ နွား စသော တိရိစ္ဆာန်ကို ပေးလှူခြင်း၊
(၅) စိတ္တကမ္မ ဒါန- ကာမဂုဏ်စိတ်ကိုနှိုးဆွပေးသော ပန်းချီကားချပ်၊ စသည်ပေးလှူခြင်း၊

(၆) သတ္ထ ဒါန- ဒုတ် ဒါး သေနတ် စသော လက်နက်ခဲယမ်းစသည် ပေးလှူခြင်း၊
(၇) ၀ိသ ဒါန- သေစေနိုင်သော အဆိပ်၊ ဆေးပြား ဆေးပုလင်း စသည်ပေးလှူခြင်း ( သတ္တ၀ါတို့ပျက်စီးစေရန်၊ )
(၈) သင်္ခလိက ဒါန-လက်ထိပ် သံခြေချင်း နှောင်ကြိုးကို ပေးလှူခြင်း၊
(၉) ကုက္ကဋ သူကရ ဒါန- ကြက် ၀က် ခွေးစသော သားကောင်တို့ကို ပေးလှူခြင်း၊
(၁၀) တုလာကူဋ မာနကူဋ ဒါန- ချိန်စဉ်းလဲ၊ တင်းစဉ်းလဲ အလှူ။ယခုခေတ် ဂဏန်းပေါင်းစက်ဖြင့် စားရင်းအင်းများကို လိမ်လည်ပေးခြင်း၊

မိလိန္ဒပဥှာ။ ပါ။ ၂၂၇။

ဒါကြောင့် ငွေကုန် လူပန်း စိတ်ပန်းပြီး ကိုယ့်အတွက် အကျိုးယုတ်စေတဲ့ ဒါန တွေကို မပြုမိကြစေဖို့ မေတ္တာစကား ပြောကြားလိုက်ပါတယ်၊

တရားသဖြင့် စုဆောင်းထားသော အလှူဝတ္ထုဖြစ်ရခြင်း၊
အလှူပေး အလှူခံပုဂ္ဂိုလ်နှစ်ဖက်စလုံး သီလ စင်ကြယ်ရခြင်း၊
မလှူခင် လှူဆဲ လှူပြီးကာလ( နောက်ဆုံး ) ကိုယ့်ဘ၀ရဲ့နေ၀င်ချိန်ဖြစ်တဲ့ သေခါနီး မရဏာသန္နဇော စိတ် အချိန်အထိ ကိုယ့်ရဲ့ ဒါန အကြောင်းကို တွေးပြီး သေနိုင်ရင် နတ်ရွာသုဂတိ ကို ရောက်မှာ အသေအချာပါပဲ၊ အဲလိုမှ မဟုတ်ပဲ ၀က်အော်သံ နွားအော်သံ ကြက်အော်သံတွေများ ကြားနေရ မြင်နေရပြီး ကိုယ့်အာရုံမှာ ဂတိနိမိတ် အဖြစ် ထင်နေရင်တော့ လွဲမှားစွာ ပြုခဲ့မိတဲ့ ဒါနများက ကယ်တင်နိုင်မည် မဟုတ်ပါကြောင်း ကရုဏာစကားဖြင့် နိဂုံးချုပ်လိုက်ပါတယ်၊ ။