လွဲနေတဲ့ ဒါနများ

ပို့စ်ခေါင်းစဉ်ကို ကြည့်ပြီး စာဖတ်ပရိသတ်များ လန့်သွားကြမလားလို့ စိုးရိမ်မိပါတယ်၊လွဲနေတာလေးတွေကို တည့်မတ်စေချင်လို့ပါ။အဆိုတော် အာဇာနည်ကတော့လွဲနေတဲ့ ဆုံမှတ်များ ဆိုပြီး သီချင်းတပုဒ် ဆိုထားလေရဲ့၊

သူ့ သီချင်းက ယောကျာင်္းလေးနဲ့ မိန်းကလေး တယောက်နဲ့ တယောက် မဆုံနိုင်ပဲ လွဲလွဲနေလို့ ဆုံမှတ်နဲ့ လွဲနေတယ် လို့ အဓိပ္ပါယ် ရပြီး စာရေးသူ ရည်ရွယ်တာကတော့ ဗုဒ္ဓဘာသာ မြန်မာ လူမျိုးတွေ ဟာ စစ်မှန်တဲ့ ထေရ၀ါဒဗုဒ္ဓဘာသာ အမည်ခံထားပြီး မသိမသာတမျိုး သိသိသာသာ တဖုံ လွဲမှားနေတာတွေကို တတ်နိုင်သလောက် ပြုပြင် ထိန်းသိမ်း စေချင်တဲ့ ဆန္ဒနဲ့ပါ၊

ဗုဒ္ဓဘာသာဝင်တိုင်းရဲ့ ပန်းတိုင်ဟာ ကိုယ်ဆင်းရဲ စိတ်ဆင်းရဲ စတဲ့ ၀ဋ်ဒုက္ခအားလုံး ချုပ်ဆုံးရာ နိဗ္ဗာန် ကို ရည်ရွယ်ပြီး ဒါန ကို ခက်ခက်ခဲခဲ ရအောင်ပြုနိုင်အောင် အထူးအားဖြင့် အောင်အောင်မြင်မြင် ပြီးဆုံးအောင် ကြိုးစားရတယ်၊ ဘုရားရှင်ကိုယ်တော်မြတ်ကြီးကတော့ အလှူပေးတယ် ဆိုတာ စစ်တိုက်ရသလို ပါပဲ၊ သူနိုင် ကိုယ်နိုင် အပြိုင်ကြဲကြရတယ်၊ လှူဖို့လဲ အတူတူပဲ၊

ကိုယ့်မှာ ရှိတာကို ချင့်ချိန်ပြီး ဘယ်လောက်လှူလိုက်မယ်၊ ဘယ်လောက် ကျန်သေးတယ်၊ ဘယ်လောက်ကို စီးပွားရေး အတွက် သုံးရအုံးမယ်၊ ဘယ်လောက်ကို သားသမီးတွေနဲ့ ကိုယ့်မိသားစုအတွက် ပညာရေး ကျမ္မာရေး စတာရှိသေးတာမို့ ထားရအုံးမယ်၊ အဲဒီလို အတွေးပေါင်း မြောက်များစွာနဲ့ ကိုယ့်အဇ္ဈတ္တ အတွင်း သန္တာန်ထဲက ဘ၀ပေါင်းများစွာ ကိန်းအောင်းလာခဲ့တဲ့ မစ္ဆရိယ ဆိုတဲ့ အကုသိုလ် အိမ်ရှင်စိတ်ကို ဒါန ဆိုတဲ့ တခါတရံမှ ဖြစ်ခွင့်ရတဲ့ ကုသိုလ်စိတ်လေးက နိုင်အောင် တိုက်ထုတ်ပြီး လှူနိုင်ဖို့ ဆိုတာ တော်တော် မလွယ်တဲ့ ကိစ္စပါ၊

တကယ်တော့ ဒါန ဆိုတာက ဘုရားပွင့်လာမှ အကျိုးကျေးဇူးများအောင် ပေးလှူနည်း တွေကို သိခွင့်ရတဲ့ စိတ်လေးပါ၊ မစ္ဆရိယ အကုသိုလ် စိတ်ကတော့ ဘုရားပွင့်သည်ဖြစ်စေ မပွင့်သည်ဖြစ်စေ သံသရာမှာ ကျင်လည်သမျှ တောက်လျောက် ဘ၀တိုင်း လိုက်ပါပြီး ကိုယ့်ဘ၀ကို ဖျက်လို ဖျက်ဆီး လုပ်နေတတ်တယ်၊ သူ့ကြောင့်လဲ အောက် ငရဲဘုံကို ကျခဲ့ရတဲ့ ဘ၀ပေါင်း မရေမတွက် နိုင်အောင် များလှပါပြီ။

ပြောရရင် ဘုရားပွင့်ဆဲ သာသနာနဲ့ တွေ့ဆဲ အချိန်လေးမှာ ဒါန ကုသိုလ်စိတ်လေးက မစ္ဆရိယအကုသိုလ်စိတ်လေးကို နှင်ထုတ်ဖို့ အနိုင်ပိုင်းဖို့ တော်တော် ခက်တယ်ပေါ့၊ ဧည့်သည်က အိမ်ရှင်ကို နှင်ထုတ်တဲ့ ပွဲပါပဲ၊ သိပ်ကြည့်ကောင်းမယ့် ပွဲ ဖြစ်မယ် ဆိုတာ စာဖတ်သူများ ကိုယ်တိုင် ကြုံဖူးပါလိမ့်မယ်၊
ပွဲက - တာလဲ ကိုယ်တိုင် ဖြစ်ပြီး ပွဲကြည့်သူကလဲ ကိုယ်တိုင်ဖြစ်နေတာ သိပ်အံ့သြစရာ ကောင်းတာပေါ့၊ စိတ်တည်ငြိမ် အေးချမ်းသွားတဲ့ အချိန်မှာ ကိုယ်ဘယ်လို နိုင်အောင် တိုက်ခဲ့၇တယ် ဆိုတာကို သတိထားပြီူး မြင်အောင် ကြည့်နိုင်လေ၊ အပရစေတနာ ဆိုတဲ့ ပီတိ က ၀င်လာပြီး အကျိုးပေးလေပါပဲ၊ အဲဒါကြောင့်လဲ ကိုယ်လှူဒါန်းလိုက်တဲ့ အလှူက အကျိုးပေးသန်တာပါ၊

ရှေးရှေး ဆရာတော်ကြီးတွေကလဲ အလှူဒါနနဲ့ ပက်သက်ပြီး စွမ်းနိုင်သလောက် လမ်းမှန်အောင် ညွန်ပြခဲ့ကြပါတယ်၊ ဒါပေမယ့် အခုကတော့ ခေတ်ရေစီးကြောင်းနဲ့အညီ ယဉ်ကျေးမှူ့တွေ ပြောင်းလာတာနဲ့ အမျှ လွဲနေတဲ့ ဒါနတွေကို မကြားချင်လဲ ကြားနေရ မမြင်ချင်လဲ မြင်နေကြရတယ်၊ ဒါကြောင့် အခုခေတ် အလှူပေးရင် ခန့်မှန်းခြေ အနေနဲ့ မြို့မှာ ဆိုရင် သိန်းရာချီ ရှိပြီး တောရွာမှာ ဆိုရင် အနည်းဆုံး သိန်း( ၃၀ )အထက်မှာ ရှိပါတယ်။
သိန်းပေါင်းများစွာ အကုန်အကျခံပြီး လှူလိုက်ရပေမယ့် ပီတိမဖြစ်နိုင်ပဲ ၀မ်းနည်းပက်လက် ဖြစ်ကျန်ခဲ့တဲ့ အလှူရှင်တွေအများကြီးကိုတွေ့ခဲ့မြင်ခဲ့ဖူးပါပြီ၊အဲဒီလိုအဖြစ်မျိုးတွေ မကြုံစေချင်လို့ တကယ့်အဖြစ်အပျက်တွေနဲ့ ကြားဖူးတဲ့ အဖြစ်အပျက်တွေကို မျှဝေလိုက်ပါတယ်။

ဒါန ( ၁ )

သူကတော့ စာရေးသူရဲ့ အသိမိတ်ဆွေ ထဲ က တောရွာမှာ ဆိုပါတော့၊ ပိုက်ဆံ တော်တော် ရှိတယ်၊ ဒါကြောင့်လဲ သားတွေကို ကိုရင်ဝတ်ပြီး သာသနာ့ဘောင်မှာ ၀င်စေချင်တယ်၊ သင်္ကန်းစီးပေးချင်တယ်ပေါ့၊ တောသဘာဝ အရ အလှူ့ဒကာ ရဲ့ သူငယ်ချင်းက ဘယ်လို ကူညီတယ် ထင်ပါသလဲ၊

အခြားသော အလှူတွေမှာ ၀က်သား၊ ကြက်သား၊ ငါးခြောက် အချိန် ( ပိဿာပေါင်း ) ဘယ်လောက် အကုန်ခံပြီး ကြွေးမွေးကြတယ်၊ သူတို့က သူများနဲ့ မတူအောင် အမဲသား ကျွေးမယ်၊ ကုန်ကျမယ့် အမဲသားကို အလှူ့ဒကာ သူငယ်ချင်းက အလကားကူညီမယ် ဆိုပဲ။ တကယ်တော့ အပြိုင်အဆိုင် စိတ်ဓာတ်လေးတွေကြောင့် ပကာသန ဖက်ပြီး လမ်းမမှားသင့်ပဲ မှားနေကြတာ သတိ သံဝေဂ ရစေချင်ကြတယ်။

ကူညီနိင်မှာပေါ့ သူက သားသတ်လိုင်စင် ရထားသူဆိုတော့ စိတ်ကြိုက် အမဲသား ပိဿာ ဘယ်လောက် လိုချင်သလဲ ၊ နွားတွေ အဆင်သင့်ရှိတယ် သတ်လိုက်ရုံပဲ၊ စာရေးသူလဲ ကြိုကြို တင်တင် သတင်းကြားရင်တော့ ပိတ်ပင်ထားလို့ ရပါတယ်၊ ကိုယ်ပြောရင် ပြီးနိုင်တယ်ပေါ့၊ ကိုယ့်ကိုလဲ ပင့်ထားတာ ဆိုတော့ အလှူဧည့်ခံနေ့ ရောက်မှ ကြွသွားတယ်၊

ဟိုရောက်မှ အဲဒီသတင်းကြားရတော့ အားလုံးလွန်ကုန်ပြီ အသားတွေက အဆင်သင့်ဖြစ်နေပြီ၊ စိတ်မကောင်းဘူး၊ ၀မ်းမသာ နိုင်ဘူး။ သူတို့ ငွေတွေ ဘယ်လောက် ကုန်အောင် လှူနေပါစေ၊ သေစားသေပေးလိုက်ရတဲ့ နွားတွေက အများကြီးရယ်၊ ပါဏာတိပါတ အကုသိုလ် နဲ့ရင်းပြီး ရယူလိုက်တဲ့ အလှူဒါနက ဘယ်လိုလုပ် မြင့်မြတ်နိုင်မလဲ ဆိုတာ သူတို့ မသိကြဘူး။ ဥာဏ်လဲ မရှိကြဘူး၊

လှူနေဆဲ အတွင်းမှာလဲ ဘုရားသားတော် တပါးအနေနဲ့ လမ်းမှားနေတာကို ပြောပြီး တည့်မတ်ပေးချင်တယ်၊ ပြောလိုပေမယ့် စေတနာပျက်ပြီး အလှူကြီးပေးတာ အလကား ဖြစ်မှာ စိုးတာကြောင့် ပါးစပ်က ပြောမထွက်ဘူးဖြစ်နေတယ်။ သူတို့ကတော့ လှူလို့ ပြီးသွားတယ်၊ အလှူကြီးပေးလိုက်တယ်ပေါ့၊ အကုသိုလ်တွေ ဘယ်လောက် ရယူလိုက်သလဲ သတိမထားမိဘူး၊

ဒါကြောင့်လဲ ရှေးရှေး လူကြီးများက ကုသိုလ်တပဲ ငရဲ တပိဿာ လို့ ဆိုထားကြတာကိုး။
အခု အချိန်အထိ အလှူပြီးသွားတာ ၆ နှစ်ကျော်လောက် ရှိပြီ၊ မင်းတို့ လှူဒါန်းခဲ့တာ နည်းလမ်း မှားတယ် လို့ ပြောမထွက်ဘူး၊ ရင်ထဲမှာပဲ မွန်းကျပ်နေတယ်၊ ဘာကြောင့်လဲ ဆိုတော့ သိန်းပေါင်းများစွာ အကုန်အကျခံပြီး လှူထားတဲ့ အလှူကို ပြန်ပြီး အမှတ်ရ ကြည်နူးတဲ့ စိတ်ဆိုတဲ့ အပရစေတနာ ဆိုတာက ရှိသေးတယ်၊

ကိုယ်က အမှန်အတိုင်း ပြောလိုက်ရင် သူတို့လဲ ၀မ်းမသာနိုင်တော့ဘဲ သောက ရောက်တော့မယ်၊ အရင်က မုဉ္စစေတနာ ချို့မှာစိုးလို့ မပြောခဲ့ဘူး၊ အခုကျတော့ အပရစေတနာ ချို့မှာ စိုးလို့ မပြောထွက်ခဲ့ဘူး၊ ကဲ ဘယ်လို လုပ်ကြမလဲ -

သည်တဏှာစရိုက်ကို အလိုလိုက်မှားကြလျှင်၊

နွားသတ်တို့သွားရာ နောက်တော်ကလိုက်ပါပြီးလျှင်၊

နွားရုပ်သွင်အထူးနှင့် တဘူးဘူး တဘဲဘဲ

မစဲအောင်တွန်မြည်၍ နှစ်အရှည်မျောကြမည်။

ဆိုတဲ့ လယ်တီ ဆရာတော်ဘုရားကြီးရဲ့ နွားမေတ္တာစာ ကိုပဲ သတိရမိတော့သည်။

ကိုယ် ကုသိုလ်ရဖို့ တဖက်သား အကုသိုလ် ဖြစ်စေမယ် ဆိုရင် တတ်နိုင်သလောက် ရှောင်ကြဉ်ပါ၊ အလကားမနာလို ဖြစ်နေသူတွေကတော့ ချွင်းချက်ပေါ့၊ ဒါကြောင့်လဲ မြတ်စွာဘုရားက ပံသုကူအသား ( ကိုယ် မ၀ယ်ခင် သတ်ပြီးသား အသား ) ကိုသာ စားခွင့် ပြုခဲ့တာပါ၊

ဈေးထဲရောက်မှ ကိုယ်လိုချင်တဲ့ ကြက်တွေ ငါးတွေကို လတ်ဆတ်တယ် ဆိုပြီး သတ်ခိုင်းတာက ကိုယ်တိုင်သတ်တာနဲ့ အတူတူပါပဲ၊ ပါဏာတိပါတကံ ထိုက်ပါတယ်၊ ကိုယ်လှူဒါန်းတဲ့ အလှူပွဲမှာ အကုသိုလ် နည်းနိုင်သမျှနည်းပြီး ကြည်လင်နေတဲ့ စိတ်နဲ့ သာ လှူနိုင်အောင် ကြိုးစားကြပါ၊ ဒါဆို အကျိုးရှိတဲ့ ဒါန ၊ မြင့်မြတ်တဲ့ ဒါန ဘုရားစတဲ့ သူတော်ကောင်းတွေ သာဓုခေါ်တဲ့ ဒါန ဖြစ်နိင်ပါပြီ၊

ဒါန ( ၂ )
ဆက်ပါအုံးမည် -