ကျွဲ နွားများ လှူကောင်းပါသလား

(က) ဥသဘ ဒါန- ကျွဲ နွား စသော တိရိစ္ဆာန်ကို ပေးလှူခြင်း၊... တပည့်တော်တို့ အိမ်က နွားတစ်ယှဉ်းကို ရွာကကျောင်းထိုင်ဆရာတော် ရွာအနီးအနား အလှူအတန်း သွားလာရင် လိုက်ပို့ဘို့ လှူဒါန်းထားပါ
တယ်ဘုရား။ အကုသိုလ်များ ဖြစ်နေပြီလား ဘုရား။

ကိုမျိုး (အညာမြေ)

အလှူဒါန ( ၁၀ ) မျိုးနဲ့ ပက်သက်ပြီး ကိုမျိုးက မေးလာတာမို့ ရှင်းလင်းအောင် မဖြေပေးရင်ဖြင့် စိတ်
မကောင်းဖြစ်ပြီး အပြစ်ဖြစ်မှာ စိုးရိမ်မိပါတယ်၊ ဒီရက်ပိုင်းမှာလဲ နည်းနည်း လုပ်စရာလေးတွေ ပေါ်လာ
တာကြောင့် ချက်ချင်း မဖြေဆိုပေးနိုင်တာ နားလည်ပေးစေချင်ပါတယ်။

(၁) သမဇ္ဇဒါန- အငြိမ့်မင်းသား မင်းသမီး ပြဇာတ်၊ ဆိုင်းဝိုင်း ဇာတ်ပွဲတို့ကို ပေးလှူခြင်း၊
(၂) မဇ္ဇဒါန- သေရည်အရက် ဘီယာကို လှူဒါန်းခြင်း၊
(၃) ဣတ္ထိဒါန- ပုဂံခေတ် အရည်းကြီးတို့အား လှူသလို မိန်းမကို ပေးလှူခြင်း၊
(၄) ဥသဘ ဒါန- ကျွဲ နွား စသော တိရိစ္ဆာန်ကို ပေးလှူခြင်း၊
(၅) စိတ္တကမ္မ ဒါန- ကာမဂုဏ်စိတ်ကိုနှိုးဆွပေးသော ပန်းချီကားချပ်၊ စသည်ပေးလှူခြင်း၊

(၆) သတ္ထ ဒါန- ဒုတ် ဒါး သေနတ် စသော လက်နက်ခဲယမ်းစသည် ပေးလှူခြင်း၊
(၇) ၀ိသ ဒါန- သေစေနိုင်သော အဆိပ်၊ ဆေးပြား ဆေးပုလင်း စသည်ပေးလှူခြင်း ( သတ္တ၀ါတို့ပျက်စီးစေရန်၊ )
(၈) သင်္ခလိက ဒါန-လက်ထိပ် သံခြေချင်း နှောင်ကြိုးကို ပေးလှူခြင်း၊
(၉) ကုက္ကဋ သူကရ ဒါန- ကြက် ၀က် ခွေးစသော သားကောင်တို့ကို ပေးလှူခြင်း၊
(၁၀) တုလာကူဋ မာနကူဋ ဒါန- ချိန်စဉ်းလဲ၊ တင်းစဉ်းလဲ အလှူ။ယခုခေတ် ဂဏန်းပေါင်းစက်ဖြင့် စားရင်းအင်းများကို လိမ်လည်ပေးခြင်း၊

မိလိန္ဒပဥှာ။ ပါ။ ၂၂၇။

အထက်ပါ ဒါန ဆယ်မျိုးဟာ အရှင်နာဂသေန ( အရှင်နာဂသိန် ) ကနေ မိလိန္ဒမင်းကြီးကို မေးလို့ မင်းကြီးက ဖြေဆိုတဲ့ ဒါန လို့ မသတ်မှတ်နိုင်တဲ့ ( အဒါန သမ္မတ ) အလှူတွေပါ၊ ဒါကြောင့် အလှူရှင်များ ကြည်ညိုစိတ်နဲ့ အမြင် ရှင်းစေဖို့ မိလိန္ဒ အမေးအဖြေ တွေထဲက သက်ဆိုင်တဲ့ စာလေးတွေကို မျှဝေလိုက်ပါတယ်၊

မထေရ် - မင်းကြီး လောကမှာ အလှူခံပုဂ္ဂိုလ် ရောက်လာလို့ မပေးလှူကောင်းတဲ့ ပစ္စည်းရယ်လို့ ရှိပါသလား -

မင်းကြီး - မရှိပါဘူးဘုရား၊ အလှူရှင်က ကြည်ညိုစိတ် ရှိတယ်ဆိုရင် ဆွမ်း ခဲဖွယ် ဘောဇဉ် နေစရာ အိပ်ရာ အခင်း၊ အိမ်စေမိန်းမ အိမ်စေယောကျား၊ လယ် ယာ၊ ခြေထောက် နှစ်ချောင်းရှိသော ကြက် ငှက်စသည်၊ ခြေထောက် ၄ ချောင်းရှိသော ကျွဲ နွား များ၊ ၀တ္ထုငွေ တရာ တထောင် တသိန်း စသည်နှင့် အချို့များ ကိုယ့်ရဲ့ မင်းစီးစိမ် နဲ့ အသက်ကိုတောင် ပေးလှူကြပါတယ်၊ ဒါကြောင့် မလှူကောင်းတဲ့ ပစ္စည်းရယ်လို့တော့ မရှိပါဘူးဘုရား၊

မင်းကြီးရဲ့ စကားကို အရှင်နာဂသိန်မထေရ်ကလဲ ထောက်ခံခဲ့တဲ့အတွက် ၀တ္ထုငွေ စသည်မှာလဲ အပ်စပ်အောင် လှူရင်ဖြင့် အလှူခံကောင်းတယ်လို့ ဆိုရပါမယ်၊

ဝိနည်း မဟာဝါ စမ္မက္ခန္ဓက ယာနာဒိ ပဋိက္ခေပ အခန်းမှာ နွားထီး တပ်ထားပြီး ယောင်္ကျား မောင်းတဲ့ လှည်းဖြစ်ရင် စီးကောင်းပါတယ်၊ ဒါကလဲ ဂိလာန အတွက်ပါပဲ ၊ ဂိလာန မဟုတ်ပဲ စီးရင်တော့ အာပတ်အသေးစား ဒုက္ကဋ်အာပတ် သင့်ပါတယ်၊ ဘိက္ခုနီများအတွက် စူဠ၀ါပါဠိတော် ဘိက္ခုနီခန္ဓက တတိယဘာဏ၀ါရ မှာ ဂိလာန ဘိက္ခုနီအတွက် နွားထီး နွားမ မရွေးပဲ အဆင်ပြေသလို စီးနိုင် သွားလာနိင်ပါသတဲ့၊

တကယ်တမ်း ကြည့်၇င်တော့ ဥသဘဒါန ဆိုတာ နွားလားဥသဘ ကို ဆိုလိုပါတယ်၊ ဇာတ်တော်တွေမှာ ပါတဲ့ နွားလားဥသဘတွေဟာ ပစ္စည်းအပြည့်တင်ထားတဲ့ လှည်းအစီးပေါင်း တစ်ရာ ကို ( ယခုခေတ် ရထားတွဲများလို ) တစ်ဆက်တည်း ဆက်ထားပြီး တစ်ကောင်တည်း ရုန်းပြီး ဆွဲနိုင်ပါသတဲ့၊ အဲဒီ နွားလားဥသဘတွေဟာလဲ ၀ိသာခါ အနာထပိဏ် သူဋ္ဌေူးတို့လို ဘုန်းကံ ကြီးမားပြီး ရှေးကုသိုလ်ကံ ကောင်းသူများသာ ပိုင်ဆိုင်နိုင်ပါတယ်၊ ဥသဘဒါန ဆိုတာ အဲဒီလို နွားမျိုးကို ဆိုလိုတာပါ၊ ဒါကြောင့် ဥသဘဒါန အရ ယခုခေတ် နွားများကို ဆိုလိုဟန် မတူပါဘူး၊ အဲဒီအတွက်လဲ သံသယ ကင်းကင်းနဲ့ ၀မ်းမြောက်နိုင်ပါတယ်၊

ပရိဝါရပါဠိတော်မှာတော့ မဇ္ဖဒါန သမဇ္ဇဒါန ဣတ္ထိဒါန ဥသဘဒါန စိတ္တကမ္မဒါန တို့ကို ဒါနလို့ မသတ်မှတ်ကြောင်း ၅ မျိုးသာ ပြထားပါတယ်၊

ယခုခေတ် သာမာန် နွားများမှာ ပြောစရာ တခုပဲ ရှိပါတယ်၊ ဒါကလဲ ရဟန်းတော်များဘက်က ၀ိနည်းစည်းကမ်းပါ၊ ရဟန်းတော်များဟာ နွားလှည်း မစီးရ၊ တိရိစ္ဆာန်များကို ညှင်းဆဲရာ ရောက်တယ်၊ စက်နဲ့မောင်းတဲ့ ယာဉ်ဆိုရင် ဘာမဆို စီးနိုင်တယ် လို့ မြတ်စွာဘုရားက သိက္ခာပုဒ် ပညတ်တော်မူခဲ့ပါတယ်၊

ဘာကြောင့်လဲ ဆိုတော့ အိန္ဒိယဒေသ မှာ နွားတွေ ကျွဲတွေကို ကျေးဇူးရှင် ထမင်းရှင် ဆိုပြီး လူတွေက သိပ်အလေးထား ဆက်ဆံကြပါတယ်၊ တကယ်လို့များ နွားတစ်ကောင် ကားလမ်းပေါ် ဖြတ်သွားရင် အဲဒီနွား လမ်းတဖက်ကို မရောက်မချင်း သွားလာ နေသမျှ ကားကြီး ကားငယ် ဆိုင်ကယ် အားလုံး ရပ်တန့်ပေးရပါတယ်၊ နွားမှ မဟုတ်ပဲ အခြား တိရိစ္ဆာန်တော်တော်များများကိုလဲ ဘေးမဲ့ ပေးထားပြီး အဲဒီဓလေ့ဟာ မြတ်စွာဘုရား ပွင့်တော်မမူခင် အချိန်ကနေ ယနေ့ခေတ်အထိ ရှိနေဆဲလို့ သိရပါတယ်၊

( ခ ) ဆယ်ခုမြောက် တုလာကူဋ မာနကူဋ ဒါန- ချိန်စဉ်းလဲ၊ တင်းစဉ်းလဲ အလှူ ကို ရှင်းပါအုံးမည်၊
ဒီအသုံးအနှုံးကတော့ ရှေးခေတ်အခါက ကတ္တားချိန်ခွင်တွေ ဘာတွေ မပေါ်ပေါက်သေးတာကြောင့် စပါး၊ နှမ်း ၊ ပဲမျိုးစုံ ဆန် စသည်ကို တင်တောင်း၊ ပြည်တောင်း ၊ နို့ဆီခွက် စသည်ဖြင့် ချင့်တွယ်ကြလေ့ရှိပါတယ်၊ အခုမှသာ ကတ္တားပေါ်တင်ပြီး လွယ်လွယ်ကူကူ ချင်တွယ်နိုင်ကြတာပါ၊ ရှေးတုံးကတော့ ဆန်တင်းပေါင်း ၁၀၀ ဆိုရင် နေ့တ၀က် ၆ နာရီနီးပါးမျှ အကြိမ်ပေါင်း ၁၀၀ ထည့်ပြီး တွက်ရပါတယ်၊

နောက်တမျိုးအနေနဲ့ တစ်ပိဿာ၊ ၅၀ သား၊ ၂၅ ကျပ်သား( အစိတ်သား လို့လဲ ခေါ်ပါတယ်၊ ) တဆယ်သား စသည်အခေါ်အဝေါ်တွေနဲ့ ချိန်ခွင်မှာ ချိန်ပြီး သုံးနေကြတာပါ၊ ဒါကလဲ စာရေးသူအထင်အရ မြန်မာပြည်တနေရာထဲသာ သုံးနှုံးနေဆဲလို့ ယူဆပါတယ်၊ အခြားနိုင်ငံတွေမှာလို ကီလိုဂရမ် နဲ့ သုံးတာ မရှိသေးပါဘူး၊ တခါတလေ စာရေးသူတို့ ဈေးဝယ်ရင် တစ်ကီလိုဂရမ် ဆိုရင် မြန်မာပြည်မှာလို တပိဿာလောက်များ ရှိနေမလား လို့ တွက်ရတာ အမောပါပဲ၊ တွေးတွေးပြီးလဲ ပြုံးမိပါရဲ့၊ ( တစ်ကီလိုဂရမ် ကို ၆၀ သား ရှိပါသတဲ့ )

တုလာကူဋ - ချိန် စဉ်းလဲ -( ချိန်ခွင် ဖြင့် စဉ်းလဲ ကောက်ကျစ်ခြင်း မမှန်မကန် လိမ်လည်ခြင်း ) ( ဥပမာ ) ကြက်သွန် တပိဿာ ကို ကိုယ်က ၀ယ်ရင် ချိန်ခွင်လျှာကို ပိုမိုသာစေပြီး ပြန်ရောင်းရင် တော့ ချိန်ခွင်လျှာကို လျော့စေတာမျိုးကို ချိန်စဉ်းလဲ လို့ ခေါ်ပါတယ်၊ အဒိန္နာဒါန အသေးစား ပေါ့၊

မာန ကူဋ - တင်းစဉ်းလဲ ( တင်းတောင်းဖြင့် စဉ်းလဲ ကောက်ကျစ်ခြင်း မမှန်မကန် လိမ်လည်ခြင်း ) သူကတော့ အကြီးစား သူခိုးပေါ့၊ အထက်ကအတိုင်း မမှန်မကန် လိမ်လည်ခြင်းကြောင့် အဒိန္နာဒါန အကုသိုလ်ကံ ထိုက်ပါတယ်၊
ဆိုလိုတာက ရဟန်းသံဃာအတွက် ဘုန်းကြီးကျောင်းအတွက် ကိုယ်က အကျိုးဆောင်ပေးတဲ့အနေနဲ့ အဲဒီလို မမှန်မကန် လိုက်ပါလုပ်ဆောင်ပေးတယ် ၊ ယခုခေတ်မှာတော့ ဂဏန်းပေါင်းစက်ထဲက တသိန်း ကို တသိန်းခွဲ လို့ မှားယွင်းရိုက်ထည့်ပေးတာမျိုးကို မလှူကောင်းပါဘူး၊ ဒါန မမည်ပါဘူး၊ အကုသိုလ်ဖြစ်ပါတယ်၊ အဲဒီလို ဒါန မျိုးတွေကိုလဲ ရှောင်ကြဉ်နိုင်ပါစေလို့ တိုက်တွန်းရင်း နိဂုံးချုပ်လိုက်ပါတယ်။ ။

ကျမ်းကိုးစာရင်း -

မိလိန္ဒပဥှာပါဠိ
မဟာဝါပါဠိတော်၊
စူဠ၀ါပါဠိတော်၊
ပရိဝါ ပါဠိတော်၊