တည်မည့်အရပ် ဖြစ်တဲ့ ယခုအခေါ် ကလျာဏီသိမ်တော်နေရာအနီးတ၀ိုက်ပါပဲ၊ မဟာဝံသ ကျမ်း မှတ်တမ်းများကတော့ ဒီလို ဆိုပါတယ်၊
မြတ်စွာ ဘုရားရှင်သည် ( ၈ ) ၀ါမြောက်၌ သာဝတ္ထိပြည်မွန် ဇေတ၀န်ကျောင်းဝယ် သီတင်းသုံးတော်မူစဉ် မဏိအက္ခိက
နဂါးမင်း၏ ပင့်လျောက်ချက်အရ ကဆုန်လပြည့်နေ့တွင် ရဟန်းငါးရာ ခြံရံလျက် သီဟိုဠ်ကျွန်းသို့ ကြွတော်မူသည်၊
နဂါးမင်းသည် ကလျာဏီအရပ်၌ ဆောက်လုပ်ထားသော ရတနာမဏ္ဍပ်အတွင်းဝယ် ရတနာပလ္လင်တော်၌ ဘုရားအမှူးရှိသော သံဃာတော်အရှင်မြတ်တို့အား ဆွမ်းလုပ်ကြွေး လှူဒါန်းလေသည်၊ မြတ်စွာဘုရားသည် နဂါးတို့အား တရားရေအေး တိုက်ကျွေးတော်မူပြီး ကလျာဏီမြစ်အတွင်းဝယ် ရေချိုးသပ္ပါယ်တော်မူသည်။
ထိုကလျာဏီမြစ်သည် ယခု အချိန်အထိ ရှိသေး၏၊ သို့ပါသော်လည်း မြတ်စွာဘုရား ဘယ်နေရာမှာများ ရေချိုးတော်မူခဲ့ပါလိမ့် ဆိုပြီး သေချာစွာ ရှာကြည့်မိသေး၏၊ ဒါပေမယ့် ခေတ်ကာလတွေပြောင်းလဲ လာသည့်အလျောက် အရာရာ ပြောင်းလဲခဲ့ပြီ ဆိုသော အသိကြောင့် မောပမ်း လက်လျော့ခဲ့ရသည်။
ရေသပ္ပါယ်ပြီးသောအခါ ကောင်းကင်ခရီးဖြင့် သုမနကူဋတောင်တော်သို့ ကြွတော်မူသည်၊ ထိုတောင်နေ သုမနနတ်မင်း၏ ပင့်လျောက်ချက်အရ တောင်ထိပ်၌ ၀ဲဘက်ခြေတော်ရာ ပါဒ စေတီတော်တစ်ဆူ ချထားတော်မူခဲ့သည်၊
ဘုရားရှင်သည် တောင်တော်ခြေရင်းတွင် နောက်ပါ ရဟန်းငါးရာနှင့်တကွ နေ့သန့်နေတော်မူပြီး ယခုအခါ မဟာစေတီ တည်မည့် နေရာတို့၌ နိရောဓသမာပတ် ၀င်စားတော်မူကာ ချီးမြောက်တော်မူခဲ့သည်၊
အချုပ်အားဖြင့် နဂါးမင်းသည် ဘုရားရှင်သီတင်းသုံးတော်မူခဲ့ရာ ရတနာပလ္လင်တော်ကို ဋ္ဌာပနာလျက် စေတီတည်
ပူဇော်ခဲ့သည်၊ ထိုစေတီကား ယခုအခါ ကလျာဏီစေတီ ဟူ၍ သမိုင်းဝင်စေတီတစ်ဆူအဖြစ် ထင်ရှားနေပေသည်၊ ထိုမှတဆင့် မြန်မာနိုင်ငံ ပဲခူးမြို့ရှိ ကလျာဏီသိမ်တော် အားဖြင့် ခေတ်အဆက်ဆက် ဘုရားသာသနာတော် ရေရှည်တည်တံ့ ခိုင်မြဲဖို့အတွက် ကြိုးပမ်းခဲ့ကြသည်ကား ၀မ်းသာစရာ ကြည်နူးစရာ ပင်ဖြစ်ပေသည်။
သမိုင်းဆိုင်ရာ အထောက်အထားများ ရှိလေမလား မျှော်လင့်ချက်ဖြင့် တတ်စွမ်းသမျှ ရှာဖွေသော်လည်း ပြတိုက်အတွင်းရှိ သီဟိုဠ်ကျောက်စာ ၂ ချပ် ၃ ချပ်မှ တပါး ဘာမှ ရှာလို့ မတွေ့နိုင်သည်ကား စာရေးသူ၏ အားနည်းချက် ဟုပင် ဆိုရမလား။ ဘာပဲ ဖြစ်ဖြစ် မြတ်ဗုဒ္ဓ ကြွတော်မူခဲ့ရာ သမိုင်းဝင်နေရာကို သွားရောက်လေ့လာနေရသည်ကပင်တန်းဖိုးမဖြတ်နိုင်တဲ့ အသိတွေ ပီတိတွေ ရယူနိုင်ခဲ့သည်က အမြတ်ဟု ဆိုရပေတော့မည်တကား။ ။
စေတီဝင်းအတွင်းက လက်ရာမြောက်ရုပ်တု
No comments:
Post a Comment