ကမ္ဘာပျက်တာနဲ့ ပတ်သတ်ပြီး တပည့်တော်မ သိချင်ပါတယ်ဘုရား။ ယခုကမ္ဘာဟာ ဘဒ္ဒကမ္ဘာလို့ ဆိုပါတယ်။ သို့သော်လည်း ဂင်္ဂါဝါဠုသဲစုမက ဘုရားတွေ ပွင့်ခဲ့တယ်ဆိုတဲ့အဆိုက ဘယ်လိုမျိုးများကို ဆိုလိုတာလည်း ဘုရား၊ ကမ္ဘာပျက်တာက ဘယ်လိုမျိုးဖြစ်တာလည်းဘုရား။ ဘာကြောင့် ကမ္ဘာပျက်ရတယ်ဆိုတာကိုလည်း သိချင်ပါတယ် ဘုရား။
ကမ္ဘာပေါင်းများစွာ ဖြစ်ပေါ်ခဲ့ပါတယ်။ ကမ္ဘာပေါင်းများစွာ ပျက်ခဲ့ပါတယ်။ ရေတွက်လို့ မရပါ။ ကမ္ဘာဟာ ရေတွက်လို့ မရသလို သတ္တ၀ါတစ်ယောက်ရဲ့ ဘ၀ဟာလည်း ရေတွက်လို့မရအောင် များပြားလှပါတယ်။ ဗုဒ္ဓလက်ထက်က ဥပသာလက အမည်ရှိတဲ့ ပုဏ္ဏားကြီးဟာ ရာဇဂြိုလ်မြို့ကို ရံပတ်ထားတဲ့ တောင်ငါးလုံးထဲက ဂုဇ္ဈကုဋ်တာင်ပေါ်ကို တက်သွားပြီး တောင်ထိပ်က မြေပြန့်လေးမှာ သူ့ကိုမြုတ်ဖို့ သားဖြစ်သူကို ပြတယ်။
ပြီးတာနဲ့ တောင်အောက်ကို ပြန်ဆင်းလာတဲ့အခါ ဘုရားရှင်နဲ့တွေ့တယ်၊ အကျိုးအကြောင်း မေးပြီးတာနဲ့ ဘုရားရှင်ဟာ လူသေ မမြုပ်ဖူးသေးဘူးလို့ ပုဏ္ဏားကြီးယူဆထားတဲ့ နေရာကို လိုက်ကြည့်ပြီး ဒီဂါထာကို ဟောကြားပါတယ်။ ဒီဂါထာ အဆုံးမှာ ပုဏ္ဏားကြီးဟာ သောတာပန်တည်ပါတယ်။ ဒီဂါထာဟာ သတ္တ၀ါတစ်ယောက်ရဲ့ ဘ၀တွေဟာ ဘယ်လောက်ထိအောင် များပြားတယ်ဆိုတာကို ပြပါတယ်။
ဥပသာလက နာမာနိ၊
သဟဿနိ စတုဒ္ဒသ။
အသ္မိံပဒေသေ ဒဂနိ
နတ္တိလောကေ အနာမတံ။
ပုဏ္ဏားကြီး သင်ယခုညွှန်ပြသော နေရာ၌ ဥပသာလကဟူသော အမည်ဖြင့် သင်၏အလောင်းကောင်ပေါင်း တစ်သောင်း လေးထောင်တိတိ မီးသဂြိုလ် လောင်ကျွမ်းမြုပ်နှံခဲ့ဖူးလေပြီ။ လောကမြေအပြင်၌လူသေကောင်ပုတ် မမြုတ်ဖူးသောနေရာ ဟူ၍ မရှိပေ။
တောင်ပေါ်က သုံးပေခြောက်ပေနေရာ ကွက်လပ်လေးမှာတောင် အလောင်းကောင်ပေါင်း ဥပသာလကအမည် တစ်ခုတည်းနဲ့တင် တစ်သောင်းလေးထောင် မြုတ်နှံပြီးသွားပြီဆိုတော့ တခြားနာမည်နဲ့၊ တခြားမြေပြန့်နေရာတွေမှာ ဘယ်လောက်ထိ သေခဲ့မြှပ်နှံခဲ့မယ်ဆိုတာ သတိသံဝေဂ ယူသင့်ပါတယ်။
ဘုရားတွေ ပွင့်တယ်ဆိုတာ သူ့ကမ္ဘာနဲ့သူ ပွင့်တာကို ပြောတာပါ။ ဒီဘဒ္ဒကမ္ဘာမှာ ဘုရားငါးဆူပွင့်ပြီး မပြီးမချင်း၊ ကမ္ဘာက မပျက်ပါဘူး။ ကမ္ဘာပျက်ပုံရယ် ဘာကြောင့် ပျက်ရတယ်ဆိုတာရယ်ကိုပေါင်းပြီး ဖြေပါမယ်။ ကမ္ဘာဟာ မီးဖျက်တဲ့ ကမ္ဘာ၊ ရေဖျက်တဲ့ ကမ္ဘာ၊ လေဖျက်တဲ့ ကမ္ဘာလို့ သုံးမျိုးရှိပါတယ်။
လိုချင်တဲ့ လောဘဓါတ်တွေ လူသားတွေ သန္တာန်မှာ အားကြီးလာရင် ကမ္ဘာလောကကြီး အငတ်ဘေးဆိုက်တယ်၊ လောဘဓါတ်ဟာ ဒီထက်ပို၍ အားကြီးလာမယ်ဆိုရင် ကမ္ဘာလောကကြီးဟာ မီးလောင်ပြီးပျက်စီးသွားရတယ်။ ကမ္ဘာဖျက်မီးလောင်ရင် မြေကြီးပါ မကျန်အောင် လောင်ကျွမ်းတဲ့အတွက် အပါယ်လေးဘုံ၊ လူ့ဘုံ၊ နတ်ပြည်ခြောက်ထပ်၊ ဗြဟ္မဘုံ နှစ်ဆယ်ထဲက ပထမဈာန် ဗြဟ္မဘုံ ၃ဘုံ ပါသွားတယ်။
စိတ်ဆိုးတဲ့ အမျက်ထွက်တဲ့၊ ရန်ငြိုးဖွဲ့တဲ့ ဒေါသဓါတ်တွေ လူသားတွေ သန္တာန်မှာ အားကြီးလာရင် ကမ္ဘာလောကကြီးက လက်နက်ဘေး(စစ်ပွဲဘေး) ဆိုက်တယ်၊ စစ်ပွဲမှန်သမျှဟာ ဒေါသကြောင့် ဖြစ်ရတာချည်းပါ။ ဒီထက် ဒေါသဓါတ်တွေများလာမယ်ဆိုရင် ကမ္ဘာလောကကြီးဟာ ရေတွေလွှမ်းမိုးပြီး ပျက်စီးသွားရတယ်။ ရေကြောင့် ကမ္ဘာပျက်ပြီ ဆိုရင် အပ္ပါယ်လေးဘုံ၊ လူ့ဘုံ၊ နတ်ဘုံ၊ ပထမဈာန် ဗြဟ္မဘုံ၃ဘုံ နှင့် ဒုတိယဈာန် ဗြဟ္မဘုံ ၃ဘုံ ပျက်စီးသွားပါတယ်။
အမှန်ကိုမသိတဲ့၊ တွေဝေတဲ့ မောဟဓါတ်တွေ လူသားတွေ သန္တာန်မှာ အားကြီးလာမယ်ဆိုရင် ကမ္ဘာလောကကြီး ဟာ ရောဂါဘေးဆိုက်တယ်။ အေအိုင်ဒီအက်(စ်)တို့၊ ဆားစ်ရောဂါတို့၊ ကြက်တုပ်ကွေး၊ ၀က်တုပ်ကွေးရောဂါတွေဟာ မောဟဓါတ်ကြောင့် ဖြစ်လာတာပါ၊ ဒီ့ထက် မောဟဓါတ်တွေ အားကြီးလာမယ်ဆိုရင် ကမ္ဘာလောကကြီးဟာ လေတွေလွှမ်း မိုးပြီး ပျက်စီးသွားရပါတယ်။
လေကြောင့် ကမ္ဘာပျက်ပြီဆိုရင် အပါယ်လေးဘုံ၊ လူ့ဘုံ၊ နတ်ဘုံ၊ ပထမဈာန်ဗြဟ္မာဘုံသုံးဘုံ၊ ဒုတိယဈာန် ဗြဟ္မာဘုံသုံးဘုံ၊ တတိယဈာန်ဗြဟ္မာဘုံသုံးဘုံထိ ပျက်စိးသွားပါတယ်။ ကျန်တဲ့ဗြဟ္မာဘုံ (၁၁)ဘုံကတော့ မီး၊ ရေ၊ လေ ဘာပဲဖျက်ဖျက် မပျက်ဘဲ ကျန်ခဲ့ပါတယ်။ ကမ္ဘာလောကမှာ လူစဖြစ်တယ်ဆိုတာ အဲဒီကျန်ခဲ့တဲ့ ဗြဟ္မာဘုံ(၁၁)ဘုံက ဗြဟ္မာတွေ ဗြဟ္မာသက်ကုန်လို့သေပြီး လူ့ဘ၀ရောက်ရာကနေ စကြတာပါပဲ။
အကျဉ်းချူပ်လိုက်ရင်တော့ ဘာကြောင့်ကမ္ဘာပျက်ရတာလဲ ဆိုရင် လူသားတွေရဲ့ သန္တာန်မှာ ဖြစ်ပေါ်လာတဲ့ လောဘ၊ ဒေါသ၊ မောဟ ဆိုတဲ့ ကိလေသာတွေကြောင့်ပါပဲ။ ဒါကြောင့် လောဘကုန်ဖို့ အတွက်
ဒါနများများပြုပါ
ဓူတင် ဆောက်တည်ပါ
အသုဘ ဘာဝနာပွါးပါ
ဝိပဿနာတရား နာကြားရှုပွါးပါ။
ဒေါသကုန်ဖို့ အတွက်
မေတ္တာဘာဝနာအမြဲပွါးပါ။
မောဟကုန်ဖို့အတွက် ရဟန္တာဖြစ်တဲ့အထိ ၀ိပဿနာတရားကို နာကြားရှုပွါးပါ။
၆ - ခုမြောက် ပုစ္ဆာမဖြေမီမှာ ဒါနနဲ့ပက်သက်ပြီး အရေးကြီးသိသင့်တဲ့ ဆရာတော်ရဲ့လိုတိုရှင်း ဒဿနလေးများကို ဓမ္မလက်ဆောင် ထည့်ပေးလိုက်ပါတယ်။
ရယူခြင်းနှင့် ပေးဆပ်ခြင်းတို့တွင် ပေးဆပ်ခြင်း၌ ပျော်မွေ့သူသည်သာ တကယ့်သူတော်ကောင်း ဖြစ်သည်။ မျှော်လင့်ချက်တစ်ခုခုဖြင့် ပေးကမ်းခြင်းကို ဒါနဟု မခေါ်သင့် အမြတ်ရဖို့ အရောင်းအ၀ယ်လုပ်ခြင်း၊ တစ်မျိုးဟုသာ ခေါ်သင့်သည်။
မည်သည့်မျှော်လင့်ချက်မှ မပါဘဲ ပေးကမ်းထောက်ပံမှုကိုသာ လောဘကုန်ဖို့ပြုသော ပါရမီထိုက်သည့် ဒါနဟု ဆိုသင့်သည်။
မည်မျှ လှူပြီးပြီဟု ကြွားဝါဖို့မလို လောဘကိလေသာ မည်မျှကုန်သွားပြီဟုသာ သိဖို့ လိုသည်။
ချမ်းသာချင်စိတ် ရှိတာချင်းလည်းတူပါလျှက် ချမ်းသာအောင် စီးပွားရှာတာချင်းလည်း တူပါလျှက် လူတစ်ရာတွင် တစ်ယောက်သာချမ်းသာပြီး၊ ကျန် ၉၉ယောက်က ဆင်းရဲနေရသည်မှာ အဘယ်ကြောင့်နည်း။
အဖြေကား - လူတစ်ရာတွင် တစ်ယောက်ခန့်သာလှူရမှု၌ ပျော်မွေ့ပြီး၊ ကျန် ၉၉ ယောက်သည် ယူရမှု၌ ပျော်မွေ့ ခဲ့သောကြောင့် ပေတည်း။
မျှော်လင့်ချက်တစ်ခုခုဖြင့် ပြုသောပါရမီမထိုက်သော ဒါနသည် လူ့ချမ်းသာ၊ နတ်ချမ်းသာ ကိုပေးသော်လည်း ကိလေသာကုန်ရာ နိဗ္ဗာန်သို့မပို့၊ အကြောင်းကား အလှူခံကောင်းစားဖို့၊ ချမ်းသာဖို့ လှူခြင်းမဟုတ်၊ ငါကောင်းစားဖို့၊ ငါချမ်းသာဖို့ ရည်ရွယ်ချက်ဖြင့် လှူခဲ့သောကြောင့် ဖြစ်သည်။ ငါ-ဟူသည် ဒိဋ္ဌိကိလေသာ၊ ကောင်းစားဖို့ဟူသည် လောဘကိလေသာ။ ထိုဒိဋ္ဌိ နှင့် လောဘ၀င်ရှုပ်သောကြောင့် ပါရမီ မထိုက်သောဒါနသည် နိဗ္ဗာန်သို့  မပို့နိုင်ခြင်းဖြစ်၏။
မည်သည့်မျှော်လင့်ချက်မှ မပါဘဲ ပြုသောပါရမီထိုက်သည့် ဒါနသည် လူချမ်းသာ၊ နတ်ချမ်းသာကိုလည်း ပေးသည်။ နိဗ္ဗာန်သို့လည်း ပို့သည်။ အကြောင်းကား ဒါနပြုစဉ်ကတည်းက ငါကောင်းစားဖို့ဟူသော ဒိဋ္ဌိနှင့် လောဘကို သတ်ပြီးသား ဖြစ်နေသောကြောင့်ပေတည်း။
သဒ္ဒါစိတ်ကြီးမားသူအတွက် လှူစရာပစ္စည်းတွေ အမြဲတမ်း ပိုနေတတ်သည်။ လောဘဓါတ် ကြီးမားသူ အတွက် ယူချင်စရာပစ္စည်းတွေ အမြဲတမ်း လိုနေတတ်သည်။
အသာစံခြင်းဝါဒကို အရှင်ဒေ၀ဒတ် တည်ထောင်ခဲ့သည်။ အသာစံခြင်းဝါဒ၏ နောက်ဆုံး ပန်းတိုင်သည် အပါယ်လေးပါး၊ အသာစံခြင်းဝါဒကို တည်ထောင်ခဲ့သော အရှင်ဒေ၀ဒတ်ကိုယ်တိုင် ယခုအခါ အ၀ီစိငရဲသို့ ကျရောက်နေပြီ ဖြစ်သည်။ အသာစံခြင်းဟူသည် ပယ်သတ်ရမည့် သမုဒယသစ္စာခေါ် တဏှာကို ဆောင်ထားခြင်း ဖြစ်သည်။
အနာခံခြင်းဝါဒကို ဘုရားရှင်ကိုယ်တိုင် တည်ထောင်တော်မူခဲ့သည်။ အနာခံခြင်းဝါဒ၏ နောင်ဆုံး ပန်းတိုင်သည် နိဗ္ဗာန်။ အနာခံခြင်းဝါဒကို တည်ထောင်ခဲ့သော ဘုရားရှင်ကိုယ်တိုင် ယခုအခါ နိဗ္ဗာန်၏ သန္တိသုခ ချမ်းသာကို ခံစားနေပြီဖြစ်သည်။ အနာခံခြင်းဟူသည် ပယ်သတ်ရမည့် သမုဒယသစ္စာခေါ် တဏှာကို အလုပ်ဖြင့် လက်တွေ့ပယ်သတ်ခြင်း ဖြစ်သည်။
ကမ္ဘာတွင် ဒါနအပြုဆုံးသည် မြန်မာဖြစ်ပါလျှက် အဆင်းရဲဆုံးတွင်လည်း မြန်မာဖြစ်နေရခြင်းမှာ တကယ်လိုအပ်သည့်နေရာတွင် မလှူဘဲ၊ မလိုအပ်တော့ သည့်နေရာများတွင် အိတ်သွန်ဖါမှောက် လှူနေကြ သောကြောင့်ပင်ဖြစ်သည်။
ဥပမာအားဖြင့် နာဂစ်ကြောင့် ဧရာဝတီတိုင်းတွင် ပျက်စီးသွားသော စာသင်ကျောင်းပေါင်း လေးထောင်ကျော်ရှိရာ နှစ်ထောင်ခန့်သာ ပြန်လည်ပြင်ဆင်နိုင်သေးသည်။ ကျန်နှစ်ထောင်ကျော်ကို ပြင်ဆင်ဆောက်လုပ်နိုင်ခြင်း မရှိသေးပေ။
ထိုကဲ့သို့သောနေရာတွင် မလှူဘဲ နာမည်ကြီးအောင်၊ ရာထူးတက်အောင် အာဏာတည်မြဲအောင် ဟူသော ရည်ရွယ်ချက်ဖြင့် မလိုအပ်ဘဲ ဘုရားတည် နေကြခြင်းမျိုးပင်တည်း။
မြန်မာအများစု ဗုဒ္ဓဘာသာဖြစ်ပါလျှက် ဒါနပြုပါလျှက် ဆင်းရဲရခြင်းအကြောင်း ၁၁ ချက်-
၁။ လိုအပ်နေသောနေရာတွင် မလှူဘဲ၊ မလိုအပ်သောနေရာတွင် စုပြုံ၍ လှူကြခြင်း။
၂။ သမ္ပဒါလေးးပါး ချို့ယွင်းခြင်း။
၃။ စီးပွါးရှာရာ၌ မေတ္တာစေတနာကို အဓိကမထားဘဲ၊ ငွေကြေးကိုသာ အဓိကထားခြင်း။
၎။ ပျင်းရိခြင်းကို ရောင့်ရဲခြင်းဟု အထင်မှားခြင်း။
၅။ မိမိကိုယ်ကို ထိန်းသိမ်းနိုင်စွမ်း မရှိခြင်း၊ နည်းနည်းချမ်းသာလာသည်နှင့် မယားငယ်ထားခြင်း၊ လောင်းကစား လုပ်ခြင်း၊ သေရည်သေရက်သောက်ခြင်းတို့ဖြင့် အောက်ခြေလွတ်လာတတ်ကြသည်။ ထိုကြောင့် ခေတ်သစ် စကားပုံတစ်ခုပေါ်နေ၏ ။ မြန်မာ ကောင်းစား တစ်မွန်းတည့်။
၆။ အချိန်တန်ဖိုး မသိခြင်း၊ ကုန်သွားသော ဥစ္စာပစ္စည်းတစ်ခုခုကို အချိန်အားဖြင့် ပြန်ရှာ၍ရသော်လည်း အလကား ကုန်သွားသော အချိန်ကို မည်သည့်ဥစ္စာပစ္စည်းနှင့်မျှ မရနိုင်သောကြောင့် လောက၌ တန်ဖိုးဖြတ်၍ မရအောင် အဖိုးတန်သောအရာကား အချိန်ပင်ဖြစ်သည်။
စက္ကန့်၊ မိနစ်၊ နာရီ၊ နေ့၊ ရက်၊ လ၊ နှစ် စသော အချိန်တိုလေးများကို ပေါင်းစည်းထားခြင်းကိုပင် အသက်ဟုခေါ်၏။ ထို့ကြောင့် အချိန်ဟူသည် အသက်။ အသက်ဟူသည် အချိန်၊ အသက်တန်ဖိုးထားသူသည် အချိန်ကို တန်ဖိုးထားရမည်။ အချိန်ကိုတန်ဖိုးထားလျှင် လူ့ဘ၀နေရသမျှ အချိန်တိုင်းမှ ဥစ္စာ၊ ကုသိုလ်၊ ပညာဗဟုသုတ ဤသုံးမျိုးအနက် တစ်မျိုးမျိုးကို အမြဲတမ်း ရရှိနေရမည်။ ထိုသုံးမျိုးအနက် တစ်မျိုးမှမရဘဲ အချိန်ကိုဖြုန်းသူသည် မိမိ လူ့ဘ၀ရမည့် အသက်ကို ဖြုန်းခြင်းပင်ဖြစ်သည်။
၇။ ကိုယ့်ထက်သာလျှင် မနာလိုခြင်း ကိုယ့်ထက်သာသူအပေါ် ၀မ်းသာလျှင် မုတိတာကုသိုလ် ဖြစ်သည်။ မနာလိုလျှင် ဣဿာအကုသိုလ် ဖြစ်သည်။ ကုသိုလ်ယူလို့ရပါလျှက်၊ အကုသိုလ်ကို ယူခြင်းသည် စိတ်ဓါတ်လူစဉ်မမီခြင်းပင် ဖြစ်သည်။
ဓမ္မပဒအဋ္ဌကထာ၌ ဆွမ်းငတ်ပြီး ပရိနိဗ္ဗာန်စံရသော လေသကတိဿ အမည်ရှိရဟန္တာတစ်ပါး အကြောင်း ပါရှိသည်။ သူသည် တစ်ခုသောဘ၀က ကျောင်းထိုင်ဘုန်းကြီး ဖြစ်ခဲ့သည်။ သူ့ကျောင်းတွင် ခေတ္တလာတည်းခိုသော ရဟန္တာတစ်ပါးအပေါ် မနာလိုဝန်တိုစိတ်ဖြစ်ခါ ရဟန္တာ အတွက် ထည့်ပေးလိုက်သော ဆွမ်းနှင့်ဟင်းများကို လမ်းမှာ သွန်ပစ်ခဲ့သည်။ ထိုအကုသိုလ်ကံကြောင့် သေသောအခါ အ၀ီစိငရဲသို့ ကျရသည်။ ငရဲမှလွတ်သောအခါ ခွေးဘ၀ငါးရာ၊ ဘီလူးဘ၀ငါးရာ ဖြစ်ရသည်။ နောက်ဆုံး ယခုဘုရားလက်ထက် ရဟန္တာဖြစ်ရမည့် ဘ၀များမှပင် သူတောင်းစားရွာ၌ သွား ဖြစ်ရသည်။ ငယ်စဉ်ကတည်းက ငတ်ပြတ်ဆင်းရဲလိုက်သည်မှာ ရဟန္တာဖြစ်သည့် ဘ၀ထိဖြစ်သည်။ လောသကတိဿမထေရ်ကို ဆွမ်းလောင်းမည့် အလှည့်ရောက်လျှင် လောင်းလှူမည့် ဒကာ၊ ဒကာမတို့က သူ့အား ဆွမ်းလောင်းချင်သော်လည်း လောင်းလှူလို့  မရခြင်းဖြစ်သည်။
ထို့ ကြောင့် အသက်ငယ်ငယ်နှင့် ပရိနိဗ္ဗာန်စံခဲ့ရသည်။
မွေးမည့်မွေးလျှင် ကြက်တွေ၊ ဘဲတွေပဲ မွေးပါ။ မနာလိုစိတ်နှင့်ဝန်တိုစိတ်ကို မမွေးပါနှင့်၊ အကုသိုလ်ဖြစ်တာချင်း တူသော်လည်း ကြက်တွေဘဲတွေ မွေးခြင်းက ကြက်ဥ၊ ဘဲဥစားပြီးမှ အပါယ်ကျရသည်။ မနာလိုစိတ်နှင့် ၀န်တိုစိတ်ကိုမွေးခြင်းအတွက်ကား ဘာမျှမစားရဘဲ အပါယ်လေးပါးသို့ ကျရသောကြောင့်ပင်တည်း။
၈။ စာပေဗဟုသုတမရှိသောကြောင့်
၉။ ဒေသန္တရဗဟုသုတမရှိသောကြောင့်
၁၀။ ခေါင်းဆောင်စိတ်မရှိသောကြောင့်
၁၁။ ကိုယ့်အားကိုယ်ကိုးလိုစိတ်မရှိသောကြောင့်
မြန်မာ အများစုသည် မဆင်းရဲသင့်ဘဲနှင့် ဆင်းရဲနေကြရခြင်းဖြစ်သည်။
ဤ(၁၁)ချက်၏ အကြောင်းအရာအကျယ်ကိုသိလိုလျှင် ဆရာတော်ရေးသားသော “မေတ္တာဖြင့်စီးပွါးရှာခြင်း” စာအုပ်ကို ဖတ်ပါ။ မေတ္တာဖြင့်
အရှင်ဇ၀န ( ရွှေပြည်သာ )
No comments:
Post a Comment