ကောသလအိပ်မက် ၁၆ ချက်

၁။ နွားလေးကောင် အိပ်မက်

နွားနက် လေးခု ၊ ဝှေ့မှု ဟန်ပြင် ။
မဝှေ့ကြပဲ ၊ ရှောင်လွဲသည်မြင် ။
အရှေ့-အနောက် ၊ တောင်-မြောက် မိုးဆင် ။
ခြိမ်းသံပေး ၊ မိုးဝေး လွင့်ပျောက်စင် ။

၂။ သစ်ပင်ငယ် အိပ်မက်

မြေက မကြွ ၊ ငယ်လှ သစ်ပင် ။
ဖူးငုံ ရင့်ပြီး ၊ ပွင်းသီးတွေမြင် ။
အရွယ် မမျှ ၊ ပျိုမ မယ်ခင် ။
သမီး သား ၊ လင်ထား အိမ်ထောင်ချင် ။

၃။ နွားကြီးနို့စို့ အိပ်မက်

ယနေ့ ဖွားစ ၊ နွားမ နို့သာ ။
မိခင် နွားကြီး ၊ စို့ပြီး နေရှာ ။
သမီးနှင့် သား ၊ စီးပွားပိုင်ရာ ။
မိနှင့် ဖ ၊ ကျွေးမှ စားရမှာ ။

၎။ နွားးငယ်ဝန်တိုက် အိပ်မက်

နွားကြီး မကြိုက် ၊ ၀န်တိုက် နွားငယ် ။
မရုန်းနိုင်ဘဲ ၊ ၀ပ်လဲ နေတယ် ။
ကြီးသူ ပယ်ရှား ၊ မြှောက်စား လူငယ် ။
တိုင်းပြည်ရေး ၊ ရှုပ်ထွေး ပွေတော့မယ် ။

၅။ ခံတွင်းနှစ်ခွမြင်း အိပ်မက်

ခံတွင်း နှစ်ခွ ၊ မြင်းလှ ရာဇာ ။
ကျွေးကျွေး သမျှ ၊ မ၀ နိုင်ပါ ။
မှူးမတ် မင်းစိုး ၊ လာဘ်ထိုးသူရှာ ။
နှစ်ဖက်စား ၊ တရား စီရင်မှာ ။

၆။ ရွှေခွက်နှင့်ခွေး အိပ်မက်

ခွေးအိုထံဆက် ၊ ရွှေခွက် သိန်းတန် ။
ကျင်ငယ် အမြဲ ၊ ခွက်ထဲ စွန့်ပြန် ။
မျိုးမြတ် သမီး ၊ ပစ္စည်း မက်ဟန် ။
အမျိုးယုတ် ၊ လင်လုပ် ပေါင်းဆက်ဆံ ။

၇။ ခွေးသူခိုးမ အိပ်မက်

ရှေ့က ကျစ်ချ ၊ လွန်စ ကြိုးကို ။
ခွေးမ ခိုးစား ၊ ကိုက်ဝါးကာမျို ။
လင်ကြီး ပစ္စည်း ၊ သိမ်းဆည်း မသို ။
လင်မြှောင်အား ၊ မယား လောကွတ်ပို ။

၈။ ရေပြည့်အိုး အိပ်မက်

အိုးငယ် ချည်းနှီး ၊ အိုးကြီး ရေလျှံ ။
အိုးကြီးကိုပဲ ၊ ရေဆွဲလောင်းပြန် ။
ဆင်းရဲသူများ ၊ ၀တ်စားမကျန် ။
အခွန်တွက် ၊ နှိပ်စက် ငွေတောင်းခံ ။

၉။ ရေကန်ကြီး အိပ်မက်

ကြာမျိုး ငါးဝ ၊ ပွင့်ကြ ရေကန် ။
ရေလယ် နောက်လျက် ၊ ကမ်းဘက် ကြည်ပြန် ။
မြို့တွင်း ပူရှုပ် ၊ ခွန်တုတ် ကောက်ခံ ။
မြို့ပြင်ထွက် ၊ ပြည့်နှက် စည်ကားရန် ။

၁၀။ ထမင်းအိုး အိပ်မက်

တအိုးတည်းချက် ၊ အကျက် မညီ ။
ထမင်း မာဆတ် ၊ ပျော့နပ် သုံးလီ ။
မင်းနှင့် လူများ ၊ တရား မမှီ ။
မိုးသုံးစား ၊ ကွက်ကျား ရွာချမည် ။

၁၁။ စန္ဒကူးနှစ် အိပ်မက်

မွှေးထုံနံ့ကြူး ၊ စန္ဒကူး သိန်းတန် ။
ပုန်းရည်နှင့်လဲ ၊ သုံးစွဲ စားပြန် ။
အလဇ္ဇီများ ၊ တရား ဖိုးတန် ။
ငွေနှင့်လဲ ၊ အမြဲ ဟောမည်မှန် ။

၁၂။ ဗူးတောင်း အိပ်မက်

သံကြေး မပေါင်း ၊ ဗူးတောင်း ဗူးအုံ ။
ရေတွင် စုပ်စုပ် ၊ နစ်မြုပ် လုံးစုံ ။
ပညာရှိများ ၊ စကား ဥဿုံ ။
ပြောသမျှ ၊ လောက မသုံးကုန် ။

၁၃။ ကျောက်ခဲကြီး အိပ်မက်

အိမ်လုံး တောင်လုံး ၊ ကျောက်တုံး ကျောက်ဖြာ ။
ရေမှ ဘွားဘွား ၊ ထင်ရှားပေါ်လာ ။
ရဟန်း ရှင် ဆိုး ၊ လူဆိုးများသာ ။
ဂုဏ်ရောင်တိုး ၊ တန်ခိုး ပေါ်ထွက်မှာ ။

၁၄။ ဖားငယ်မ အိပ်မက်

အဆိပ် ပြင်းတောက် ၊ မြွေဟောက်ကြီးကို ။
ဖားငယ်မများ ၊ ကိုက်ဝါးကာမျို ။
ကညာ ယူထား ၊ သက်ထား ဖိုးအို ။
မယားဆဲ ၊ အမြဲ အော်ငေါက်ဆို ။

၁၅။ ကျီးငှက် အိပ်မက်

အဆင်း မည်းနက် ၊ ကျီးငှက် ထံမှာ ။
ရွှေဟင်္သာများ ၊ ခ-စား နေပါ ။
ပညာ သီလ ၊ ပြည့်ဝသူဟာ ။
သူယုတ်အား ၊ ၀ပ်တွား နေရမှာ ။

၁၆။ သစ်နှင့်ဆိတ် အိပ်မက်

ဆိတ်ကို မြင်ငြား ၊ ကြောက်အား ပြင်းထန် ။
ခြင်္သေ့ သစ်ကျား ၊ ခုန်လွှား ပြေးပြန် ။
သူယုတ်မာများ ၊ ထောင်လွှား နိုင်ငံ ။
သူတော်ကောင်း ၊ ပုန်းအောင်း တောမြိုင်ယံ ။

မှတ်ချက်။
လယ်တီပဏ္ဍိတ ဆရာ ဦးမောင်ကြီး-ရေးဖွဲ့သော ကဗျာများ ဖြစ်ပါသည်။
ရှေ့ ၂-ပိုဒ်ကို ကောသလမင်း၏ အိပ်မက် စကား၊
နောက် ၂-ပိုဒ်ကို မြတ်စွာဘုရား၏ အဖြေစကား-ဟု မှတ်ယူကြပါ။
အမေ့အိမ် မှ ပြန်လည်ကူးယူ ဖော်ပြပါသည်။