ဖုဋ္ဌဿ လောကဓမ္မေဟိ၊ စိတ္တံ ယဿ န ကမ္ပတိ၊
အသောကံ ၀ိရဇံ ခေမံ ၊ ဧတံ မင်္ဂလ မုတ္တမံ။
လူ ရယ်လို့ ဖြစ်လာရင် လောကဓံ တရားတွေ အနည်း နဲ့ အများ တွေ့ကြုံ ခံစားရမှာ သေချာပါတယ်၊ ကဲ့ရဲ့ ခံရတာ၊ ချီးမွှမ်းခံရတာ( လာဘ အလာဘ၊ ယသ အယသ၊ နိန္ဒာ ပသံသ၊ သုခ ဒုက လောကဓံ ၈ ပါး ) ကို အားလုံး အခြေအနေ အချိန်အခါ ပေါ်မူတည်ပြီး ခံစားရလေ့ ရှိပါတယ်၊ အဲလို တွေ့ကြုံရချိန်မှာ ကိုယ်ဘက်က လောကီဗဟုဿုတ ဓမ္မ ဗဟုဿုတတွေနဲ့ ခံနိုင်ရည်ရှိအောင် ကြိုးစားပြီးတော့ ကျော်လွှားနိုင်ရပါမယ်၊
ကိုယ်စွမ်းအား စိတ်စွမ်းအား အားနည်းသူ စိတ်ဓာတ် မခိုင်မာသူများကတော့ အဲဒီ လောကဓံတွေကြောင့်ပဲ စိတ်ဓာတ် ဒုံးဒုံးကျပြီး ဘ၀မှာ လူဖြစ်ရှုံး နာလန်မထူနိုင်အောင် ဖြစ်တတ်ပါတယ်၊ ဒါကြောင့် ဘယ်လိုလောကဓံ လာသည်ဖြစ်စေ မတုန်လှုပ်ပဲ သောက ကင်းပြီးကြံ့ကြံ့ ခံ နေနိုင်ခြင်း ဟာ မင်္ဂလာ တစ်ပါးပါပဲ လို့ ဘုရားရှင်က မင်္ဂလသုတ္တန်မှာ ဟောကြားခဲ့ပါတယ် ၊အခုလဲ ရောက်လာတဲ့ မေးလ်လေးထဲက မှတ်သားစရာလေးမို့ မျှဝေလိုက်ပါတယ် - စာဖတ်သူများလဲ ဘယ်လို အမျိုးအစားထဲ ပါချင်သလဲ -စဉ်းစားပြီး အဖြေပေးနိင်အောင် ကြိုးစားကြပါလို့ တိုက်တွန်းအားပေးလိုပါတယ် -
တစ်ခါက အိမ်တအိမ်မှာ သားအဖနှစ်ယောက်ရှိသတဲ့။
တစ်နေ့မှာသမီးလုပ်တဲ့သူကအဖေကိုတိုင်တည်တယ်။သူ့ဘဝမှာအဆင်မပြေတာတွေ
များနေတယ်ပေါ့။ဘာလုပ်လုပ်အဆင်မပြေတာတွေချည်းမို့အားကပြတ်နေပြီးအရာရာကိုလက်လျှော့ချင်စိတ်ကပေါက်နေပြီ ဖေဖေရယ်။တိုက်ရခိုက်ရတာ၊ ရုန်းရကန်ရတာလည်း သမီးမှာမောလှပါပြီ၊ ပန်းလှပါပြီ။
ပြဿနာတစ်ခုပြေလည်သွားလို့မှ မနားရသေးဘူး နောက်ထပ်ပြဿနာတစ်ခုက ထပ်တက်လာနဲ့
ဘဝဆိုတာ ဒုက္ခတွင်းကြီးထဲဇောက်ထိုးဆင်းနေရသလိုပါပဲ ဖေဖေရယ်၊သမီးတော့စိတ်ညစ်တယ် လူတောင်ဆက်မလုပ်ချင်တော့ဘူးဘာညာစသည်ဖြင့်ဖအေကိုတိုင်တည်ရင်း ညည်းရှာတယ်။
ဖအေလုပ်တဲ့လူက စာဖိုမှူးကြီးပါ။ သမီးကလည်း အဲဒီလို
ညည်းညူတိုင်တည်လာရောဖအေက ဘာမပြောညာမပြောနဲ့သမီးကိုလက်ဆွဲပြီး
မီးဖိုချောင်ထဲခေါ်သွားတယ်။ ပြီးတော့အိုးသုံးလုံးထဲကိုရေတွေဖြည့်ပြီး
မီးပြင်းပြင်းနဲ့ ဖိုသုံးဖိုပေါ်မှာတည်လိုက်တယ်။ မကြာပါဘူး။
မီးတွေကပြင်းတော့သုံးအိုးစလုံးထဲကနေရေတွေက ပွက်ပွက်ဆူလာတော့တာပေါ့။
ရေနွေးလည်းဆူရော ဖအေလုပ်တဲ့သူက တစ်အိုးထဲကို မုန်လာဥတွေထည့်၊
နောက်တစ်အိုးထဲကို ကြက်ဥတွေထည့်၊ နောက်တစ်အိုးထဲကိုကျတော့
လက်ဖက်ခြောက်တွေထည့်လိုက်ပါတယ်။ ပြီးတော့အိုးတွေကို
ဒီအတိုင်းဆက်တည်ထားလိုက်တယ်။ စကားတော့တစ်လုံးမှမပြောဘူး။ သမီးလုပ်တဲ့သူက
ဖေဖေ့နှယ်ဘာတွေများလုပ်နေပြန်တာလဲလို့တွေးရင်းစိတ်ကတယ်မရှည်ချင်ဘူး။
ဒါပေမဲ့ဘာကိုမဆိုအကြောင်းမဲ့မလုပ်တတ်တဲ့ဖအေ့အကြောင်းကိုသိထားတော့အံကလေးတင်းရင်း
စိတ်မရှည်စွာနဲ့ပဲစောင့်နေရပါတော့တယ်။
ဆယ်မိနစ်လောက်ကြာတော့ဖအေလုပ်တဲ့သူက မီးသုံးဖိုစလုံးကိုသတ်လိုက်ပြီး
ပထမအိုးထဲက မုန်လာဥတွေကိုဆယ်၊ ပန်းကန်တစ်ချပ်ထဲထည့်တယ်။ နောက်တစ်အိုးထဲက
ကြက်ဥတွေကိုလည်းဆယ်ပြီးတခြားပန်းကန်ထဲထည့်တယ်။
နောက်ဆုံးအိုးထဲကလက်ဖက်ရည်ကြမ်းတွေကိုလည်း ပန်းကန်တစ်လုံးထဲထည့်တယ်။
ပြီးတော့မှ သမီးဖက်ကိုလှည့်ပြီးမေးလိုက်တယ်။
" ကဲ .. သမီးလေးရေ၊ ဒါတွေကဘာတွေလဲ.. "
" မုန်လာဥပြုတ်ရယ်၊ ကြက်ဥပြုတ်ရယ်၊ ရေနွေးကြမ်းရယ်ပါ ဖေဖေ.. "
သမီးကအဲဒီလိုဖြေလိုက်တော့ဖအေကသမီးကိုသူ့နားလာခိုင်းပြီး
မုန်လာဥတွေကိုစမ်းခိုင်းတယ်။သမီးကဖအေခိုင်းတဲ့အတိုင်းမုန်လာဥပြုတ်တွေကိုဇွန်းနဲ့
ထိုးကြည့်ပြီးနောက် " ဖေဖေ့မုန်လာဥတွေကပျော့ပြဲနေပြီ.. " လို့ပြောလိုက်ပါတယ်။
ဖအေက သမီးစကားကိုအမှုမထားပဲကြက်ဥပြုတ်တစ်လုံးကိုယူပြီးသမီးကိုခွဲခိုင်းပြန်တယ်။
အပေါ်ကအကာကိုခွာလိုက်တဲ့အခါမှာတော့ကောင်းကောင်းကြီးကျက်နေပြီဖြစ်တဲ့ကြက်ဥပြုတ်ပေါ့။
နောက်ဆုံးမှာတော့ ရေနွေးကြမ်းကိုမြည်းကြည့်ဖို့ဖအေကခိုင်းလိုက်ပြန်တယ်။
သမီးလုပ်တဲ့သူကပြုံးလိုက်မိနေရင်းကနေဖအေခိုင်းတဲ့အတိုင်းအငွေ့တထောင်းထောင်းထနေတဲ့ရေနွေးကြမ်းပူပူကိုတဖူးဖူးမှုတ်လို့မြည်းလိုက်လိုက်ရပါတယ်။အင်မတန်မွှေးပျံ့ပြီးအရသာရှိတဲ့လက်ဖက်ရည်ကြမ်းဖြစ်နေတာကိုလည်းသတိထားလိုက်မိတယ်။
"ဖေဖေဘာကိုပြောချင်တာလဲဟင်…" လက်ဖက်ရည်ကြမ်းကိုအရသာခံရင်း
သမီးကမအောင့်နိုင်တောပဲ မေးလိုက်ရပါတော့တယ်။
ဖအေကရှင်းပြတယ်။
" မုန်လာဥရယ်၊ ကြက်ဥရယ်၊ လက်ဖက်ခြောက်ရယ်ဆိုတဲ့မတူတဲ့အရာသုံးမျိုးဟာ
တူညီတဲ့ဒုက္ခဖြစ်တဲ့ ရေနွေးပူပူထဲမှာ တစ်ပြိုင်တည်း တစ်ညီတည်း
ထည့်အပြုတ်ခံခဲ့ရတာချင်းအတူတူ တုံ့ပြန်ပုံချင်းကျတော့ မတူဘူးလေ သမီးရဲ့။
မုန်လာဥဟာရေနွေးထဲမရောက်ခင်တုန်းကတော သန်သန်မာမာ၊
တောင့်တောင့်တင်းတင်းကြီးရယ်၊ အဲ.. ဒါပေမဲ့ရေနွေးနဲ့လည်းအပြုတ်ခံလိုက်ရရော တစ်ခါတည်းကိုပျော့ဖတ်ပြီးချိနဲ့သွားတော့တာပဲ။
ကြက်ဥကကျတော့ ရေနွေးထဲမရောက်ခင်ကအထိမခံဘူး
ထိလိုက်တာနဲ့ဖတ်ခနဲကွဲမှာအသေအချာနော်။ အပေါ်ခွံပါးပါးလေးက
အထဲကအရည်ကြည်ပျော့ဖတ်ဖတ်လေးတွေကိုကာရံထားရတဲ့အနေအထားပေါ့။
ဒါပေမဲ့ရေနွေးဆူဆူထဲမှာလည်းကြာကြာလေးနေလိုက်ရရော
အဲဒီပျော့အိအိအတွင်းသားတွေအားလုံးမာကုန်တာပဲမဟုတ်လားသမီးရဲ့..။
အေး.. လက်ဖက်ခြောက်ကတော့ တစ်ဘာသာပဲ။ ရေနွေးပွက်ပွက်ထဲလည်းရောက်သွားရော
အဲဒီပွက်ပွက်ဆူနေတဲ့ရေကိုပါ လက်ဖက်ရည်အဖြစ်ပြောင်းလဲပစ်လိုက်တယ်။
" ကဲ... အဖေ့သမီးကရော ဘာလဲ ။ မုန်လာဥလား ၊ ကြက်ဥလား ၊ လက်ဖက်ခြောက်လား ။
လောကဓံဆိုတာတော့ လူတိုင်းရင်ဆိုင်ကြရတာပဲသမီး ။ အဲဒီလောကဓံနဲ့ နဖူးတွေ့ ဒူးတွေ့ရင်ဆိုင်ရတဲ့အခါမှာ သမီးက ဘယ်လိုတုံ့ ပြန်လိုက်ချင်သလဲ ။
မုန်လာဥလို တုံ့ ပြန်မလား ၊ ကြက်ဥလို တုံ့ ပြန်မလား ၊ လက်ဖက်ခြောက်လို
တုံ့ ပြန်မလား သမီးဘာသာ စဉ်းစားပေတော့ကွယ် "
ပုံပြင်လေးကတော့ဒါပါပဲကွယ်။ စာဖတ်သူရောဘယ်လိုပါလဲ။
အပြင်ပန်းအမြင်မှာတော့ မုန်လာဥလိုမာမာချာချာ တောင့်တောင့်တင်းတင်းကြီးနဲ့
လောကဓံနဲ့တကယ်တမ်းရင်ဆိုင်ရတဲ့အခါကျရင်တော့ပျော့ခွေနွမ်းရိပြီးအားကုန်သွားမယ့်လူစားမျိုးပါလား။
ဒါမှမဟုတ်ကြက်ဥလိုလူစားလား။ အစတုန်းကတော့ ထိလွယ်ရှလွယ်တယ်။
စိတ်ကလည်းပျော့တယ်။ ဒါပေမဲ့သေခြင်းတရားလို ရှင်ကွဲကွဲတာလို
ချွတ်ခြုံကျတာလို ကြမ္မာဆိုးတစ်ခုခုကိုအပြင်းအထန်ခံစားပြီးရတဲ့နောက်မှာတော့ နင်လားဟဲ့.. လောကဓံဆိုတဲ့စိတ်ဓာတ်၊ထီမထင်တဲ့စိတ်ဓာတ်နဲ့မာကျောကျောတောင့်တင်းတင်းကြီးဖြစ်သွားမယ့်လူစားမျိုးလား။ မပြုတ်ခင်ကြက်ဥနဲ့ပြုတ်ပြီးသားကြက်ဥလိုပဲ အပြင်ပန်းအမြင်မှာသိပ်မကွာလှပေမယ့်
အတွင်းမှာခါးသီးမာကျောနေတဲ့နှလုံးသားနဲ့လူများဖြစ်နေမှာလား။
ဒါမှမဟုတ်စာဖတ်သူဟာ လက်ဖက်ခြောက်လိုလူစားမျိုးလား။ ရေပူ ကို
တောင် အသွင်ပြောင်းပေးနိုင်စွမ်းရှိတာမျိုးလေ။ လက်ဖက်ခြောက်ဆိုတာက
ရေနွေးဆူလေ ပွက်လေလေ လက်ဖက်ရည်အရသာကောင်းလေလေပေါ့။
လက်ဖက်ခြောက်လိုလူဆိုတာကလည်း ဒုက္ခသုက္ခတွေ အရှိန်တက်လေလေ
အရည်အချင်းတွေပိုရှိလာလေဖြစ်ပြီး ကိုယ့်ပတ်ဝန်းကျင်အတွက်
ပိုကောင်းတဲ့အခြေအနေကို ဖန်တီးပေးနိုင်သူဖြစ်နေပါလိမ့်မယ်။
လဖက်ခြောက်လို လူသားများဖြစ်အောင် ကြိုးစားနိုင်ကြပါစေ -
No comments:
Post a Comment