၁။ ငါတို့နေရာ၊ ဤကမ္ဘာ၊ တဏှာအုပ်စိုးသည်။
၂။ တဏှာစေရာ၊ မနေသာ၊ ဖွေရှာဆက်ရသည်။
၃။ ရသည့်ဥစ္စာ၊ ချစ်သူပါ၊ စွန့်ခွာသွားရသည်။
၎။ တကယ်အရေး၊ တကယ်ဘေး၊ ဘယ်သွေး ဘယ်သား မကယ်ပြီ။
၅။ ငါနှင့် ရွယ်တူ၊ ငါ့အောက်လူ၊ ကြီးသူသေကြ၊ များလှပြီ။
၆။ ခဏမစဲ၊ အိုစမြဲ ၊ ကိုယ်လဲ သေဘက်နီးခဲ့ပြီ။
၇။ ဇရာမီးတောင်၊ ကိုယ်တည်းလောင်၊ သေအောင်မြှိုက်တော့သည်။
၈။ မသေရခင်၊ သွားလမ်းစဉ်၊ကြိုတင်ပြင်သင့်ပြီ။
၉။ ဒါန သီလာ၊ ဘာဝနာ၊ လမ်းသာထွင်လိမ့်မည်။
၁၀။ မဂ္ဂင်ယာဉ်ကြီး၊ အမြန်စီး၊ ခရီးထွက်တော့မည်။
( အထက်ပါလင်္ကာကား ၁၃၃၉ ခုနှစ်၊ နတ်တော်လပြည့်ကျော် ( ၂ ) ရက်နေ့ သက်တော် ( ၇၈ ) နှစ်အရောက် တွင် တဘ၀ဇာတ်သိမ်းတော်မူခဲ့သော အမရပူရမြို့ ကျမ်းပြုအကျော် မဟာဂန္ဓာရုံဆရာတော်ဘုရားကြီး၏ ပျံလွန်တော် မူခါနီးတွင် စပ်ဆိုသွားခဲ့ဟန်ရှိသည်ဟု ဆရာတော်ကြီး၏ အခြေပြုပဋ္ဌာန်းတရားတော် စာအုပ်တွင် ဖော်ပြထားသည် )
No comments:
Post a Comment