ဘုံဘေတခွင် ရောက်ခဲ့သမျှ အပိုင်း ၄

ဘ၀မှာ “ ငြိမ်းချမ်းမှု့ကို ရှာတွေ့ထားသူ တယောက်အတွက် ပညာရေး ဆိုတာက မလိုအပ်တော့ပါဘူး” လို့ ဦးနှောက်အသိက ရှိနေပေမယ့် တိုးတက်ပြောင်းလဲနေတဲ့ အိုင်တီ ခေတ်ကြီးထဲမှာ လူမှု့ ပန်းဝန်းကျင်နဲ့ မကင်းနိုင်ပြန်တော့လဲ ပန်းတိုင်ကို မရောက်သေးသမျှ ဆက်လျောက်ရအုံးမယ် ထင်ပါရဲ့၊

ငယ်စဉ်ကတည်းက ဘယ်လို ဘွဲ့တွေ ဒီဂရီတွေ ရရင်ဖြင့် တော်ပါပြီ ကျေနပ်ပါပြီ လို့ ထင်ထားခဲ့တယ်၊ ထင်ထားတဲ့အတိုင်းကြိုးစားပြီး ရလာပြန်တော့လဲ ကျေနပ်တင်းတိမ်ရောင့်ရဲ့မှု့က မရပ်နိုင်ပြန်ဘူး၊ ကိုယ်တယောက်ထဲလား လို့ လိုက်ရှာကြည့်ပြန်တော့ မဟုတ်ဘူးပဲ၊ လူတိုင်း လူတိုင်း ရှင်တိုင်းရဟန်းတိုင်း ပုထုဇဉ်မှန်သမျှ အတူတူပဲကိုး၊

ဒါကြောင့်လဲ မြတ်စွာဘုရားက ဦနော လောကော၊ လောကလူသားတွေ အားလုံးဟာ အမြဲတမ်း လိုနေကြတာချည်းပဲ၊ တခုရလာပြန်တော့ တခုက လိုနေသေးပြန်တယ်၊ ကိုယ်ပိုင်ကား စီးနိုင်သူက ကိုယ်ပိုင် တိုက်နဲ့ ခြံဝင်းလေးနဲ့ နေချင်ပြန်တယ်၊ ဒေါ်လာ ငါးထောင် ချမ်းသာနေသူက သောင်းဂဏန်း

လောက် လိုချင်နေပြန်တယ်၊ တဲ့၊

အတိတ္တော တဏှာဒါသော၊ ရဟန္တာမဖြစ်သေးသမျှ ဘယ်တော့မှ ရောင့်ရဲတယ်လို့ မရှိနိုင်ဘူး၊ သတ္တ၀ါအားလုံးဟာ လိုချင်မှု့တဏှာရဲ့ ကျွန်တွေပဲ၊ တဏှာ စေခိုင်းရာ လုပ်နေကြရတယ် ။ ရဋ္ဌပါလ သတို့သားကို ဆုံးမ ဟောကြားထားတဲ့ ဒီဒေသနာလေးကို တွေးတွေးပြီး ကိုယ့်ကိုယ်ကို သတိနဲ့ ဆုံးမနေရပြန်တယ်၊ ဘ၀ဇာတ်ခုံပေါ်မှာ လူဖြစ်နေရတော့လည်း ဘ၀နေ၀င်ချိန် အထိ ဆက်လက် ကပြရုံပဲ ရှိတော့မပေါ့။ ရုန်းကန် လှုပ်ရှားနေရတာပဲ လူ့ဘ၀မဟုတ်လား၊ ရပ်တန့်နေရင် ထိုင်နေရင် တခြား လူတွေက ကျော်တက်သွားလိမ့်မယ်၊

“ If you do nothing, There will be nothing ”
ဘာမှ မလုပ်ရင် ဘာမှ ဖြစ်လာမှာ မဟုတ်ဘူး ဆိုတဲ့ အိန္ဒိယ ခေါင်းဆောင်ကြီး မဟတ္တမဂန္ဓီ ရဲ့ စကားကို ကြားယောင်မိတော့ ထိုင်နေရမှာလဲ ခက်နေပြန်ရော --

အခုတလော အိန္ဒိယနိုင်ငံ ဘုံဘေမြို့က တက္ကသိုလ်မှာ ကျောင်း ဂျွိုင်းဖို့ ကိစ္စနဲ့ စာရေးလိုက် စာဖတ်လိုက် စူပါဗိုက်ဆာနဲ့ တွေ့စရာ ဆွေးနွေးစရာ ရှိရင် ဆွေးနွေးလိုက်နဲ့ အချိန်တွေ ကုန်မှန်းမသိ ကုန်သွားရင်း တလခွဲနီးပါး လောက် ကြာသွားတာ သတိမထားမိလိုက်ဘူး၊

တကယ်တော့ ကျောင်းအပ်တဲ့ကိစ္စက အဲဒီလောက်အထိ မကြန့်ကြာသင့်ပါဘူး၊ ဒါပေမယ့် ကုလားတွေရဲ့ ရက်ချိန်းကိုတော့ တော်တော်လန့်နေပါပြီ၊ သူတို့ရဲ့ မနက်ဖြန် လာခဲ့ လို့ ပြောလိုက်ရင် နောက်ထပ် အနည်းဆုံး ၃ ရက် ဖြစ်ချင်ဖြစ်မယ်၊ တပတ် ဖြစ်ချင်ဖြစ်မယ်၊ ၅ မိနစ်လောက် စောင့်ပါ ဆိုရင် သေချာပြီ နောက်ထပ် နာရီဝက်လောက် ဖြစ်နေလိမ့်မယ်၊ စာရေးသူကတော့ တလ ကျော်ကျော်နဲ့ အဆင်ပြေသွားလို့ တခြား ကျောင်းသားတွေက ကံကောင်းတယ် လို့ ပြောကြတယ်၊ ကိုယ်တိုင်တော့ အဲလို မထင်မိဘူး၊ ကိုယ့်ရဲ့ ခန္တီပါရမီ အစမ်းသပ် ခံနေရတယ် လို့ပဲ သဘောထားမိတယ်။ နောက်ထပ် သုံးနှစ်လောက် ဒုက္ခခံရအုံးမယ် ဆိုတာ တွေးမိတော့ ပျော်တောင် မပျော်နိုင်ရှာဘူး၊

တချို့ဒေါက်တာ ကျောင်းသားတွေများ ကျောင်းအပ်ဖို့ကိစ္စအတွက် ၃ လလောက် စောင့်နေရတာတောင် အဆင်မပြေချင်သေးဘူး၊ တကယ်တော့ လုပ်စရာ အစီအစဉ်က သိပ်မများပေမယ့် အထက်ကပြောသလို နေ့ရွှေ့ ညရွှေ့ လုပ်နေတော့ မကြာသင့်ပဲ ကြာနေတာပါ၊ စာရေးသူတို့ မြန်မာလူမျိုးတွေက သိပ်ဒေါသ အားကြီးကြတာပဲ၊ အဲဒီလူတွေကို အိန္ဒိယပို့ထားရင် ကောင်းမယ် ထင်တယ်၊ သူတို့ရဲ့ ခန္တီပါရမီ ဘယ်လောက် အတိုင်းအတာအထိ ဖြည့်ဆည်းနိုင်မလဲ လို့ တခါတလေ တွေးမိပါရဲ့၊ ဒါကလဲ ကောင်းစေချင်တဲ့ဘက်ကို ဦးတည်ပြီး ပြောတာပါ၊

နည်းပညာနဲ့ ပညာရေးကို ဦးစားပေးထားပေမယ့် လူဥိးရေ များလွန်းတဲ့အတွက်ကြောင့် လူတန်းစား

အားလုံးကို တန်းတူညီမျှ ဖြည့်ဆည်းပေးနိုင်ဖို့ တော်တော်ကြိုးစားကြရအုံးမယ်၊ ဘာဖြစ်လို့လဲ ဆိုတော့ အနေအထိုင် အစားအသောက်စတာတွေက အင်တာနေရှင်နယ် တန်းဝင်ဖို့ နှစ်ပေါင်းများစွာ ကြိုးစားတာတောင် မသေချာနိုင်ဘူး၊ 

 ဟိန္ဒူဘာသာဝင်တို့ အထွဋ်အမြတ်ထားရာ ဂျနာတ့် ရုပ်တု

စာရေးသူနဲ့  စူပါဗိုက်ဆာ ဒေါက်တာ Lalita  Namjoshi  လလိတာ နမ်ဂျိုရှီ

ချီးကျူးစရာက လောဘ အားကြီးကြပေမယ့် ဒေါသ ထွက်တာကို မတွေ့ရသလောက်ပဲ၊ မှတ်မှတ်ရရ တရက်မှာ အဆောင်မှာ နေကြတဲ့ အင်ဂျင်နီယာ ကျောင်းသားတွေထဲက တယောက်နဲ့ တယောက် ရန်ဖြစ်ကြတာ ဘာပြောကောင်းမလဲ မြန်မာတွေဆို ထိုးကြ ကြိတ်ကြနဲ့ အနည်းဆုံး ဆေးခန်းပြေး၇မှာ သေချာတာပေါ့၊ ဒီမှာတော့ ပါးစပ်က အဆောင် ပွင့်ထွက်သွားအောင် အော်နေပေမယ့် တယောက်မှ လက်မပါကြဘူး၊ လက်ပါရင် စပြီးထိုးကြိတ်သူက အရှုံးဆိုပဲ၊ ဒါကို အကြောင်းသိနေတဲ့ ဘေးက ကျောင်းသားတွေက တယောက်မှ ဂရုမစိုက်ကြဘူး၊ ဖျန်ဖြေပေးစရာလဲ လိုမှ မလိုတာပဲလေ၊ တကယ်အံ့သြစရာပါပေ၊

 

ဘုံဘေမြို့ K J Somaiya College မှ Deperment  OF  Engineering

တက္ကသိုလ် အတွင်းမှ အဆောက်အဦးအချို့

ဘာသာရေးနဲ့ပက်သက်လို့ ဟိန္ဒူဘာသာကို အများဆုံး ကိုးကွယ်ကြပေမယ့် မင်္ဂလာကိစ္စမှာတော့ မိန်းကလေးက တင်ပြီး တောင်းရတာ ဆိုတော့ မြန်မာအတွေးနဲ့ သိပ်ပြီး ဘ၀င်မကျလှဘူး၊ ပညာတတ်တဲ့ ယောင်္ကျားလေးဆိုရင် နှုန်းထားဘယ်လောက်၊ ပိုက်ဆံချမ်းသာတယ် ပညာတတ်တယ် ဆိုတဲ့ ယောင်္ကျားလေးကို လက်ထပ်လိုတဲ့ မိန်းကလေးမိဘတွေကတော့ ကိုယ့်သမီး အိမ်ထောင်ချပေးဖို့ ရှာပေတော့ပဲ၊ တချို့များ ၂ ကြိမ် ၃ ကြိမ် စေ့စပ်ပြီး တင်တောင်းတာတောင် ယောင်္ကျားလေးဘက်က ငြင်းလိုက်လို့ အဆင်မပြေတာတွေ ကြားရသေး၊ နောက်ဆုံးတော့ မျက်နှာပူရတာက မိဘတွေပါပဲ၊ ဒါကြောင့်လဲ တချို့ အိန္ဒိယက ဗုဒ္ဓဘာသာမိဘတွေက သူတို့ သမီးကို ယဉ်ကျေးလိမ္မာသူနဲ့ အိမ်ထောင် ကျစေဖို့ ဆာဒူးခေါ် ဘုန်းကြီးတွေကို ဆုတောင်းပေးပါ လို့ အကြိမ်ကြိမ် ဆုတောင်းနေတတ်ကြတယ်။

ဆက်ပါအုံးမည် - -