ကြက်ဖတိန်ညင် တောကိုဝင်

အတောင်သာလျှင် ၀န်ရှိသော ငှက်ကဲ့သို့ ဤအရှင်သည် သပိတ်တစ်လုံး၊ သင်္ကန်း သုံးထည်ဖြင့် တောရ ဆောက်တည်ရန် အမ်းမြို့ဘက် ထွက်ခဲ့သည်။ ဤအရှင်သည် ရှေးရှေးသော အရိယာ သူတော်ကောင်းများ ဆောင်လေ့ရှိသည့် ဓုတင် အကျင့်ကိုလည်း အာရုံကျ။ ရှေးရှေး သူတော်ကောင်းကြီး များကိုလည်း အားကျပြီး ထိုသူတော်ကောင်းကြီးများ လမ်းစဉ်အတိုင်း ကျင့်မည်ဟု ရှေး မဆွကတည်းက ဆုံးဖြတ်ထား၏။

ဓုတင် ဆိုသည်မှာ ကိလေသာကို ခါထွက်ကြောင်း ခေါင်းပါးစေသည့် အကျင့်တရားများ ဖြစ်သည်။ အကျဉ်းအားဖြင့် ဓုတင် ၁၃-ပါး ရှိသည်။

၁။ ဒါယကာတို့ လှူဒါန်းသော သင်္ကန်းကို စွန့်လျက် ပံ့သကူ သင်္ကန်းကို ဆောင်ခြင်းဟူသော ပံ့သကူ ဓုတင်၊
၂။ လေးထည်မြောက် သင်္ကန်းကို စွန့်လျက် သုံးထည်သော သင်္ကန်းကိုသာ ဆောင်ခြင်းဟူသော တိစီဝရိက် ဓုတင်၊
၃။ လာဘ်ပို လာဘ်လျှံကို ပယ်၍ ဆွမ်းခံ၍ရသော ဆွမ်းကိုသာ သုံးဆောင်ခြင်း (ပိဏ္ဍပါတ် ဓုတင်)
၎။ လျှပ်ပေါ်လော်လီ အိမ်စဉ်ကျော်၍ ခံယူခြင်းကို ပယ်လျက် အိမ်စဉ် မကျော်မလှပ် ရပ်၍ရသော ဆွမ်းကို သုံးဆောင်ခြင်း (သပဒါနစာရိက ဓုတင်)

၅။ နေရာအထူးထူး၌ စားခြင်းကို ပယ်လျက် တစ်ထိုင် တစ်နေရာတည်း၌ စားခြင်းကို ဆောင်ခြင်း (ဧကာသနိုက် ဓုတင်)
၆။ နှစ်ခွက်မြောက်သော ဆွမ်းဟင်းကို ပယ်၍ တစ်ခွက်တည်းနှင့်သာ သုံးဆောင်ခြင်း (ပတ္တပိုဏ် ဓုတင်)
၇။ ဆွမ်းစပြီး စားနေစဉ် ကပ်လာသော ဘောဇဉ်ကို တော်ပြီတန်ပြီ ဆိုပြီး ကပ်ယူစားခြင်းကို ပယ်ခြင်း (ခလုပစ္ဆာဘတ် ဓုတင်)
၈။ ဂါမ၀ါသီ ကျောင်းသင်္ခမ်းကို ပယ်၍ တောရကျောင်း၌ နေခြင်းကို ဆောက်တည်ခြင်း (အာရညကင် ဓုတင်)

၉။ အမိုး အကာရှိသော ကျောင်းကို ပယ်၍ လွင်တီးခေါင်၌ နေခြင်း (အဗ္ဘောကာသိက ဓုတင်)
၁၀။ သုဿာန် မဟုတ်သော နေရာကို ကပ်လျက် သုဿာန်၌ နေခြင်း (သုဿာန် ဓုတင်)
၁၁။ အမိုးအကာရှိသော ကျောင်းကို ပယ်လျက် သစ်ပင်ရင်း၌ နေခြင်း (ရုက္ခမူဓုတင်)
၁၂။ နေရာကောင်း ကျောင်းဆောင်ကို ပယ်၍ ဖြစ်စဉ်အတိုင်း နေခြင်း (ယထာသန္တတိ ဓုတင်)
၁၃။ အိပ်ခြင်းကို ပယ်၍ ထခြင်း၊ ထိုင်ခြင်း၊ စင်္ကြံသွားခြင်းကို ဆောင်ခြင်း (နိသဇ္ဇိ ဓုတင်) တို့ ဖြစ်၏။

ဤဓုတင်များကို ဆောင်ခြင်းဖြင့်-
(၁) အသက်မွေး စင်ကြယ်ခြင်း၊
(၂) ချမ်းသာကျိုး ရှိခြင်း၊
(၃) အပြစ်မရှိ၊
(၄) သူတစ်ပါးတို့အား ဒုက္ခမပေး၊
(၅) ဘေးမရှိ၊
(၆) သူတစ်ပါးကို မနှိပ်စက်၊
(၇) အမှန် ကြီးပွား၏၊
(၈) ကုသိုလ်တရား မဆုတ်ယုတ်၊
(၉) မာယာ စဉ်းလဲခြင်း မရှိ၊
(၁၀) သေခြင်းကို စောင့်တတ်၏၊

(၁၁) တောင့်တတိုင်း ပေး၏၊
(၁၂) သတ္တ၀ါ အားလုံးကို ဆုံးမတတ်၏၊
(၁၃) စောင့်စည်းသော အကျိုး ရှိ၏၊
(၁၄) လျောက်ပတ်သော အကျင့် ဖြစ်၏၊
(၁၅) ကိလေသာတို့ မမှီမကပ်နိုင်၊
(၁၆) ကိလေသာမှ လွတ်၏၊
(၁၇) ရာဂကုန်၏၊
(၁၈) ဒေါသကုန်၏၊
(၁၉) မောဟကုန်၏၊
(၂၀) မာန်တက်မှုကို ပယ်၏၊

(၂၁) ၀ိတက်ကို ဖြတ်၏၊
(၂၂) ယုံမှားသင်္ကာမှ ကူးမြောက်၏၊
(၂၃) အပျင်းကို ပယ်ဖျောက်၏၊
(၂၄) မမွေ့လျော်ခြင်းကို ဖျောက်၏၊
(၂၅) သည်းခံတတ်၏၊
(၂၆) အတုမရှိ မြတ်သော အကျင့်တည်း၊
(၂၇) မနှိုင်းယှဉ်အပ်သော ဂုဏ်ရှိ၏၊
(၂၈) နိဗ္ဗာန်သို့ ရောက်၏- ဟူသော အကျိုးထူး အကျိုးမြတ်များကို ရနိုင်ခြင်းကြောင့်လည်း ဤ မြတ်သော ဓုတင်အကျင့်များကို ကျင့်ရန် ဆောင်ရန် လျှို့ဝှက် ဆုံးဖြတ်ခဲ့ခြင်း ဖြစ်သည်။

မြောက်ဦးဆရာတော်၏ အတွေ့အကြုံများကို ပြန်လည်ကြည်ညိုဖော်ပြပါသည်။