ဘ၀ကြမ်းကြမ်း ခရီးလမ်း

၁၉၈၈ ခုနှစ်က ဖြစ်ခဲ့သော အရေးအခင်း ကာလအတွင်း တွေ့ကြုံခဲ့ရသည်ကိုလည်း ဤအရှင်သည် မှတ်မှတ်ထင်ထင် ရှိနေသည်။
ထိုစဉ်က ဤအရှင်သည် မြောက်ဦးမြို့၊ ရတနာမာန်အောင် ကျောင်းမှာ သီတင်းသုံးနေသည်။ ဤအရှင်၏ ကျောင်းအနီးရှိ ဘုန်းကြီးကျောင်း တစ်ကျောင်းမှ ဘုန်းကြီးတစ်ပါးက ဤအရှင်ကို ဆန္ဒပြပွဲ လိုက်ပါဖို့၊ တရားဟောဖို့ လာခေါ်သည်။
ဤအရှင်က လူကြားထဲမှာ စကားပြောရတာကို ကြောက်သည်။ နောက်ပြီး ဤအရှင်က လောကီလူတို့၏ ဓလေ့စရိုက် သဘာဝကို သိပ်နားမလည်။
လူကြားထဲ စကားမပြောတတ်။ ဆန္ဒပြပွဲမှာ ပြောရမှာက နိုင်ငံရေးစကား၊ နိုင်ငံရေးလည်း ဤအရှင် နားမလည်။ ထို့ကြောင့် ဤအရှင်က ငြင်းလိုက်၏။
သုံးရက်တိတိ ထိုဘုန်းကြီးက လာခေါ်သည်။
“ကိုယ်တော့မှာ ဒကာ၊ ဒကာမတွေ အများကြီး ရှိတယ်။ နောက်ခံအား ကောင်းတယ် လိုက်ခဲ့ပါ” ဟု ခေါ်သည်။ ဤအရှင်က မလိုက်။
“တပည့်တော် မလိုက်လို့ ဒကာ၊ ဒကာမတွေ လာမကြည်ညိုတော့ဘူး ဆိုရင်လည်း တပည့်တော် ဒီနေရာက ထွက်သွားရုံပါပဲ ဘုရား” ဟုပြောလိုက်တော့ ထိုဘုန်းကြီးလည်း လာမခေါ်တော့။

ထိုစဉ်က ဤအရှင် ကျောင်းတွင် တရားအားထုတ်ရန် ရောက်နေကြသော ဒကာ၊ ဒကာမ နှစ်ဆယ် အစိတ်ခန့် ရှိနေသည်။ ထိုဒကာ၊ ဒကာမကိုအကြောင်းပြု၍ ဖြစ်မည်။
“ရတနာမာန်အောင် ဘုန်းကြီး သပိတ်မှောက်ဖို့ ကိစ္စ လူသူ စုရုံးနေတယ်” ဟု ရဲစခန်းသွားတိုင်ကြောင်း သိရသည်။ည ၇-နာရီလောက်မှာ ရဲစခန်းက စခန်းမှူးနှင့် ရဲတွေ ရောက်လာကြသည်။
“လူတွေကို စုရုံးပြီး သပိတ်မှောက်ဖို့ ကြိုးစားနေတယ် ဆိုတာ မှန်ပါသလား” တဲ့။ ဤအရှင်ကို စစ်မေးသည်။
ဤအရှင်က မမှန်ကြောင်း၊ နိုင်ငံရေးကို စိတ်မ၀င်စားကြောင်း၊ ဘုန်းကြီးသိတာက တရားထိုင်မယ်၊ တရားပြမယ်၊ တရားဟောမယ်၊
အဲဒါကိုပဲ သိကြောင်း၊ အဲဒါကိုပဲ လုပ်နေကြောင်း ပြောလိုက်သည်။ ရဲတွေလည်း တွေတွေဝေေ၀ ဖြစ်သွားသည်။ သို့သော် ပြန်တော့ ပြန်သွားကြသည်။

နောက်တစ်ပတ်ခန့် အကြာတွင် စစ်သားတွေ ကျောင်းကို လာဝိုင်းသည်။ “သူပန်တွေ ရောက်နေကြောင်း သတင်းရလို့တဲ့”။
ဤအရှင်က အခြေအနေမှန်ကို ရှင်းပြလိုက်သည်။ သူတို့လည်း လှည့်ပြန်သွားကြသည်။ ဤမျှနှင့် ကိစ္စက မပြီးသေး၊ နောက်သုံးရက်ခန့်အကြာည ၈-နာရီ ခန့်တွင် ရဲနှင့်စစ်တပ် ကျောင်းကို
လာဝိုင်းကြပြန်သည်။ ဤအရှင်က တရားထိုင်သည့် ဂူထဲမှအထွက် သူတို့နှင့် တိုးသည်။ ဗိုလ်ကြီး ဆိုသူက-
“ရတနာမာန်အောင် ဆရာတော်လား” ဟု မေးသည်။
“ဟုတ်ပါတယ် ဒကာကြီး”
“အရှင်ဘုရားကို သူပုန်တွေနဲ့ ဆက်သွယ်တယ်၊ သပိတ်မှောက်ဖို့ လူတွေကို စည်းရုံးနေတယ်လို့ သတင်းရလို့ လာတာပါဘုရား”
ဤအရှင်က-
“ဒကာကြီးတို့ ဒီကိုလာတာ သုံးခါရှိပြီ၊ ဒကာကြီးတို့ ထင်ထားသလို၊ သတင်း ရထားသလို မဟုတ်ပါဘူး၊ အခု ဦးပဉ္ဇင်း တရားထိုင်ပြီးလို့ ထွက်လာတာပါ။

ဂူထဲလည်း ဒကာကြီးတို့ ရှာဖွေနိုင်တယ်၊ ဦးပဉ္ဇင်း ကျောင်းကိုလည်း ဒကာကြီးတို့ ရှာဖွေနိုင်တယ်၊ ရှိတဲ့ ဒကာ၊ ဒကာမတွေကိုလည်း မေးမြန်းစစ်ဆေးသွားကြပါ၊ ဦးပဉ္ဇင်းဟာ နိုင်ငံရေးလည်း

နားမလည်ဘူး၊ ကိုယ်နားမလည်တဲ့ အလုပ်ကိုလည်း ၀င်မလုပ်ဘူး၊ ဦးပဉ္ဇင်း အလုပ်က တရားထိုင်မယ်၊

ဒကာ ဒကာမတွေလာရင် တရားဟောမယ်၊ တရားပြမယ်၊ ဒီအလုပ်ကလွဲပြီး ဦးပဉ္ဇင်း ဘာမှ မလုပ်တတ်ဘူး၊ လုပ်လည်း မလုပ်ဘူး” ဟူ၍ပြောလိုက်လေသည်။

ဗိုလ်ကြီး ဖြစ်သူလည်း သံသယ ရှင်းသွားပုံရသည်။ ကျောင်းဝင်း၊ ကျောင်းပြင် စစ်ဆေးရှာဖွေကာ ပြန်ထွက်သွားသည်။ သည့်နောက် ဆန္ဒပြရန်လာခေါ်သော ဘုန်းကြီးကျောင်းဘက်ရှိရာ ထွက်သွားကြသည်။
နောက်ကျမှ သိရသည်မှာ ထိုဘုန်းကြီးကို သပိတ် ခေါင်းဆောင်မှန်း သိသွားသဖြင့်
ထိုဘုန်းကြီးလည်း ထွက်ပြေး တိမ်းရှောင်သွားသည်ဟု သိရသည်။

တခြား ဘုန်းတော်ကြီး တစ်ပါးကိုလည်း အာရုံထဲ မြင်ယောင်လာသည်။ ဤအရှင်တို့ ကျောင်းနားမှာ ရှိသည့် ဘုန်းကြီးကျောင်းမှ ဘုန်းကြီး ဖြစ်သည်။
ဤအရှင် ဆွမ်းခံကြွသည့်အခါ သူ့ကျောင်းရှေ့မှ ဖြတ်သွားရသည်။ တစ်နေ့မှာ ထိုဘုန်းကြီးက “ဟေ့- ဂေါတမလေး” ဟု လှမ်းခေါ်သည်။ ဤအရှင်က
လှည့်အကြည့်-
ပရိတ်တရားနာ တစ်ခုတွင် ထိုဘုန်းကြီးနှင့် ဤအရှင် ဆုံရသည်။ ထိုဘုန်းကြီးက ဤအရှင်အား “ဘာဖြစ်လို့ သာသနာတော်ကို ဖျက်နေတာလဲ” ဟုမေးသည်။
ဤအရှင်သည် မိမိထက် အသက်လည်းကြီး၊ ၀ါလည်းကြီးသော ဆရာတော်ပင် ဖြစ်၍ ရိုသေစွာပင် “တပည့်တော် သာသနာ မဖျက်ရပါဘုရား” ဟုလျှောက်သည်။
ထိုအခါ ဘုန်းကြီးက-
“ဖျက်နေတာပေါ့ဟ၊ ဘာဖြစ်လို့ ၀ါတွင်း ရဟန်းခံ ရှင်ပြု ပေးရတာလဲ၊ ၀ါတွင်းမှာ ငှက်တောင် အသိုက်မတင်ဘူး ကိုယ်တော်” ဟုပြောသည်။
ဤအရှင်က-
“ဆရာတော်ဘုရား တပည့်တော် ရဟန်းခံ ရှင်ပြုပေးတာ ကုသိုလ်လုပ်တာပါ ဘုရား၊ တပည့်တော်မွေးနေ့ အထိမ်းအမှတ်အဖြစ် ရဟန်းခံ ရှင်ပြု ကုသိုလ်လုပ်တာပါ” ဟု ပြန်လျှောက်လိုက်သည်။

ထိုကိစ္စကို ဤအရှင်သည် မေ့မေ့ပျောက်ပျောက် ထားလိုက်သည်။ နောက်ပိုင်း၌ ထိုဘုန်းကြီးကို မတွေ့ရတော့။ ဟုတ် မဟုတ်တော့ မသိ၊ မာတုဂါမတစ်ဦးနှင့် လူထွက်သွားသလိုလို ကြားလိုက်ရသည်။

အမှန် ၀န်ခံရလျှင် ဤအရှင် ဖြတ်သန်းခဲ့ရသည့် ခရီးက ကြမ်းတမ်းလှသည်။ သို့သော် အခက်အခဲများလေ ပါရမီပြည့်လေဟု သဘောပိုက်ကာ အဆိုးလောကဓံမှန်သမျှကို ကြံ့ကြံ့ခံခဲ့သည်။

အိန္ဒိယနိုင်ငံ၊ ဒုက္ကရစရိယတောင်မှာ ဤအရှင် (၁၁) လကြာ တရား အားထုတ်ဖူးသည်။ တောင်ထိပ်ပေါ်တက်ပြီး ဤအရှင် တရားအားထုတ်နေစဉ် ထူးထူးခြားခြား ပြိတ္တာကြီး တစ်ကောင်ကိုတွေ့ရဖူးသည်။ သူမထွက်လာမီ ရှေးဦးစွာ ကျောက်တောင်ကြီး အောက်ထဲမှ အသံကြီးတစ်သံ ကြားရသည်။ 

ထိုအသံကြီးသည်တဖြည်းဖြည်း အပြင်ကို ထွက်လာပြီးကြည့်လိုက်သည့်အခါ ပြိတ္တာကြီးတစ်ကောင် 

ကျောက်တောင်ကို ဖောက်ထွက်လာနေခြင်း ဖြစ်သည်။ ပုံသဏ္ဌာန်ကခေါင်းမှာ ဒူးရင်းသီး ဆူးလိုမျိုးတွေနှင့် ဖြစ်သည်။ သူ့ကိုယ်က တီကောင်လိုပျော့စိစိကြီး ဖြစ်သည်။ တီကောင်တွေ ကလည်း တစ်ကိုယ်လုံးကို ထိုးနေသည်။
“ရဟန်းကြီး၊ ငါက ဘုရားရှင် လက်ထက်တော်က လယ်သူဋ္ဌေး ဖြစ်ခဲ့ဖူးတယ်၊ ဘုရား ၀တ္တကမြေကို တစ်လံလောက် ကျောက်တိုင်စိုက်ပြီး ခိုးယူခဲ့မိလို့ ယခုလိုကျောက်ပြိတ္တာ ဖြစ်နေရတာပါ” 
 ဟု ပြောသံကိုလည်း ကြားမိသည်။ မေတ္တာပို့ပြီး အမျှဝေခြင်း မပြုမီမှာပင် ကျောက်တောင်ထဲ ပြန်ဝင်သွားသည်။
ဤအရှင်သည် “နှလုံးသွင်းမှား၊ အပါယ်သွား၊ နှလုံးသွင်းမှန်၊ နိဗ္ဗာန်စံ” ဟူသော စကားကို သတိရလိုက်သည်။
“လူတစ်သိန်း သေလို့ လူတစ်ယောက် ပြန်ဖြစ်ဖို့ ခဲယဉ်းသလို၊ နတ်တစ်သိန်း သေလို့ နတ်တစ်ယောက် ပြန်ဖြစ်ဖို့ ပို၍ ခက်ခဲသည်” ဟူသော စကားရှိသည် မဟုတ်လော။
မပြောမဖြစ် ပြောချင်သည့် အကြောင်းတစ်ခု ကိုလည်း တင်ပြလိုပါသေးသည်။ အခြားမဟုတ်၊ မာရ်နတ်၏ သမီးများ ဖြစ်ကြသော တဏှာ၊ ကရတိ၊ ရဂါ နတ်သမီး
သုံးပါးတို့၏ အသင်းဝင် မာတုဂါမများနှင့်လည်း ကြုံရ၏။
ဤအရှင်မှာ ဓမ္မရှိ၏။
သူတို့က အဓမ္မနှင့် တိုက်၏။
အဓမ္မကို ဓမ္မနှင့် ဤအရှင်သည် အောင်နိုင်ခဲ့ပါ၏။

ဗာရာဏသီ မိဂဒါဝုန်မှာ သီတင်းသုံးခဲ့စဉ်က ဖြစ်သည်။
မှတ်မှတ်ရရ နန္ဒိယသူကြွယ် ကျောင်းပျက်နေရာမှာ တရား အားထုတ်နေစဉ် ဖြစ်သည်။ ဤအရှင် ရှိရာသို့ မာတုဂါမသည် ရောက်လာ၏။ ရဲတင်းလှ၏။
ဖြားယောင်းမှုကလည်း ရိုင်းလှ၏။
ဤအရှင်သည် တရား အာရုံကိုသာ စူးစိုက်၍ ထားလိုက်၏။ ထို မာတုဂါမသည် ရှေ့မတိုးတော့ဘဲ တန့်သွား၏။ ပြီးတော့ တစ္ဆေသရဲကို တွေ့သလိုလို
နောက်ပြန်လှည့်၍ ပြေးသွား၏။
အဓမ္မကို ဓမ္မဖြင့် အောင်မြင်ခဲ့ခြင်း အတွက် ဤအရှင်သည် ကျေနပ်လှသည်။

မြောက်ဦးဆရာတော်၏ အတွေ့အကြုံများကို ဤနေရာမှ ပြန်လည်ကြည်ညိုဖော်ပြပါသည်။